Video
Read full review
2016-02-01
1656 views
曾經到訪過莆田銅鑼灣店，對其莆田10醉都仲記憶猶新，因為好幾道菜都感受到師傅嘅手功細膩，卒之開到嚟荃灣，喺同老婆常到嘅區域，所以，順道過嚟食餐午飯。過江龍嘅莆田賣較冷門嘅福建菜（閩菜），但佢晌香港開業都兩年有多，所以，都變得唔會太令人陌生。簡單嚟講，福建菜就喺以新鮮、天然嘅食材，利用精細嘅手工，保留真味嘅烹調，做出反璞真味嘅菜式 。而且，晌亞洲等地已開咗多間分店，銅鑼灣店更榮獲車胎人美食推介餐廳 ！荃灣店個環境幾闊落，一邊對住商場，另一邊落地大玻璃，採光十足，份外醒神。二、四人方枱，六、八、十人大圓枱，任君選擇，多少人嚟都適合。餐枱上放咗一份「莆田新聞」，睇落去應該唔喺新近出版，不過，有啲食材資訊又幾值得睇吓。菜式嘅選擇，未計甜點，單以主餐牌計都有超過60款食物，但既然要老婆試其特色嘢，自不然向「莆田10醉」埋手，所以，未有太費思量諗食乜 。資訊上補充一句，茶水費$8位，前菜$8碟（列明多少人會收幾多碟錢），白飯$10碗，樣樣嘢清清楚楚寫低晒就最好，免爭議。仲有個溫馨提示，餐牌內嘅菜式為例盤，同時備有中份及大份供選擇，前者就1.5倍份量，後者則2倍份量，份量上就可以控制得更有彈性
過江龍嘅莆田賣較冷門嘅福建菜（閩菜），但佢晌香港開業都兩年有多，所以，都變得唔會太令人陌生。簡單嚟講，福建菜就喺以新鮮、天然嘅食材，利用精細嘅手工，保留真味嘅烹調，做出反璞真味嘅菜式 。而且，晌亞洲等地已開咗多間分店，銅鑼灣店更榮獲車胎人美食推介餐廳 ！
荃灣店個環境幾闊落，一邊對住商場，另一邊落地大玻璃，採光十足，份外醒神。二、四人方枱，六、八、十人大圓枱，任君選擇，多少人嚟都適合。
餐枱上放咗一份「莆田新聞」，睇落去應該唔喺新近出版，不過，有啲食材資訊又幾值得睇吓。
菜式嘅選擇，未計甜點，單以主餐牌計都有超過60款食物，但既然要老婆試其特色嘢，自不然向「莆田10醉」埋手，所以，未有太費思量諗食乜 。
資訊上補充一句，茶水費$8位，前菜$8碟（列明多少人會收幾多碟錢），白飯$10碗，樣樣嘢清清楚楚寫低晒就最好，免爭議。仲有個溫馨提示，餐牌內嘅菜式為例盤，同時備有中份及大份供選擇，前者就1.5倍份量，後者則2倍份量，份量上就可以控制得更有彈性 。
冰浸苦瓜 $48 被店方喻為最「薄」嘅苦瓜，依個近乎必試嘅冷盤，刀工嘅幼細，食材嘅新鮮，正體現出福建菜神髓。苦瓜晶瑩剔透、翠綠亮麗，擺成花開形，賣相已搶到唔少分。入口冰涼爽脆，沾一點蜜糖，先甜後苦，再有陣回甘，細嚐味道嘅變化 。
冰浸苦瓜
$48
63 views
1 likes
0 comments
九轉小腸 $78 一講到乜腸物腸，第一個印象就喺肥膩、邪惡，其實，只要花點功夫、心思，可以有不一樣嘅效果。「九轉」絕唔喺虛談，睇佢一圈又一圈嘅「腸圈」就明白何謂功夫，又去晒睇壁肥膏，加上滷得入味，口感軟腍帶少少爽 。第一次試九轉小腸，已有好驚喜嘅感覺，再試，都無改變。
九轉小腸
$78
48 views
1 likes
0 comments
百秒黃花魚 $68 以前叫「原味燘黃瓜魚」，只賣$48一條，事隔年半，水漲船高，已升到$68，更改埋名，證明此菜有市有價。店家以自創100秒快速蒸煮法，只喺就咁加入薑蔥、海鹽吊味，魚質超滑， 魚湯鮮甜，唯小心魚骨多 。
百秒黃花魚
$68
129 views
1 likes
0 comments
極品椒鹽豬手 $39 / 件（最少兩件） 比起以前個名，多加「極品」兩個字，的確，豬手做得相當出色。咪睇佢以為就咁一隻炸豬手，記得第一次嚟個店長介紹過依道菜嘅特點，就喺先熬煮，逼出肥油，酥炸，鹵水，風乾，再炸 ，所以，外皮咬落脆鬼到啖啖咔嚓聲，入口滿滿骨膠原而無又肥又膩嘅感覺，又惹味不得了。店家更溫馨提供膠手膠，如果一手豬手，一手可樂或啤酒，相信不知幾爽呀 。
極品椒鹽豬手
$78
68 views
1 likes
0 comments
興化炒米粉 $78 我同老婆都幾鍾意食米粉，加上佢哋個炒米粉嘅質感真喺頗特別，故此，走唔甩嘅選擇。啲米粉不愧稱為最「幼」，幼細得比天使麵仲要幼，米粉內加埋蝦仁、蜆肉、紫菜、花生、西芹等等，食材豐富，伴點自家製嘅辣椒醬，微辣不嗆喉，份量又不少，好食 。
興化炒米粉
$78
72 views
1 likes
0 comments
臨走，見仍然有唔少客人入嚟幫襯，皆因佢哋有下午茶供應。想食得更抵，就不妨嚟嘆個下午茶 。
今次再嚐其中嘅5最，都無令人失望，水準仍然保持到，為今日嘅午餐填上美麗嘅色彩，況且，服務又熨貼，自然食得舒暢，所以話，一間店嘅成功皆有因。
Post
