豊勝手丼 (Moved) New Location

之前經過餐廳，經常都見到大排長龍，諗好咗搵日一定要過嚟試吓，呢日一早就同朋友出去餐廳朝聖，幸運地唔駛排隊就入到去。餐廳裝修充滿日式風情。睇完餐牌之後，決定同朋友1人1個丼，朋友叫咗北海蟹丼，裡面有勁多松葉蟹肉、松葉蟹腳、松葉蟹鉗、味噌蟹羔同蟹籽，分開食就可以試到每款食材嘅獨有鮮味，撈埋一齊食，就令味道昇華，每啖都係鮮味，好滿足。因為好耐無食和牛，所以我就叫咗火灸鹿兒島和牛丼，和牛經燒烤後，食落油潤，充滿油脂香，難得佢肉味好濃! 另外，配上菇類同蔬菜同食，中和了油膩感，令整體感覺更平衡，唔錯! 每款丼都跟咗前菜、配料及味噌湯; 前茶係凍豆腐配千島醬汁，配料係螺肉，而味噌湯就加咗豆腐，飲落唔會過咸。餐廳免費提供壽司飯，朋友唔夠食，額外叫咗1碗飯撈餸食，最後大家都食到飽晒先離開。