詠藜園四川菜館 (Moved) New Location

一行9人黎食晏。被安排坐大枱，所以都唔會坐得好逼。涼拌海踅頭：好爽脆，唔會韌，好香麻油味鳳尾魚：次次都會食，炸得好脆，連骨一齊食；味道帶點甜味。白肉粉皮：正，粉皮墊底，好滑，不過個醬有點咸；白肉即腩肉，肥瘦雙間。皮蛋豆腐：第一次食，估佢唔到咁好食。豆腐超滑，有豆味，配埋甜甜地嘅豉油好正過橋水餃：一碟廿隻，皮薄，餡料為豬肉，唔算太肥小籠包：熱辣辣，皮薄，又有湯汁，唔肥改良擔擔麵：之前好似唔係呢個名。改良其實即係有肉碎同炸菜粒，相對地惹味。麵條一流，好有彈性，亦帶點爽口。雪菜炒年糕：唔好食，好淡口，唔入味；d 年糕又無年糕味。碗豆黃：正正正，真材實料！超有豆味，實實淨淨，幾好。豆沙鍋餅：好難食，好乾身，個皮又超厚！餡料唔算多。