MUM 日常野菜料理 (Closed)

我平時習慣多食素都係自己煮，估唔到出街食都有咁高質嘅日式素食。四項配菜套餐($125)野菜天婦羅一定要趁熱食！脆皮超酥～入面嘅南瓜又甜又Creamy，秋葵勁Juicy，雞脾菇又嫩滑，超級好味。不過灑鹽好似唔太均勻，有一兩啖特別咸。蘿蔔冬菇關東煮通常關東煮湯底都偏甜，但呢份就無呢種甜味，清淡嘅湯底中湛出一陣花椒香。蘿蔔冬菇吸收湯汁後超好味！高野豆腐配胡麻蒟蒻豆腐係脫水豆腐，所以較有咬口。上面係蒟蒻貼同豆苗，加埋芝麻醬都幾香幾清新。芝麻波菜味道同上一道嘅芝麻醬差不多，可能食慣韓式嘅醃波菜，呢個相對較乾同有點難咬，不過個芝麻醬真係好香。味噌湯蔬菜好豐富，有菇有嫩豆腐，湯底好清甜，非常用心去煮。