丸十日本食堂 (Closed)

天氣涼左，要幫對囝囡去添置冬季衣服，最後決定去葵芳新都會廣場行下，而晚餐就揀左葵芳丸十。我哋一向都鍾意食日本菜，黎到呢度一次過滿足哂我哋個胃。食材新鮮，我囡話最好味係海膽，我囝就覺得串燒雞肉拼盤同牛舌最正，我對所有食物都十分滿意，份量合適，價錢合理。但係食完先發現我哋冇玩佢哋既抽中獎送食物遊戲，不過唔緊要，我哋下次一於睇清楚玩左先。整間餐廳地方夠大夠開揚，都坐得舒適。餐廳職員非常友善，係現時大型日式餐廳實在難得，讚。