有鑊氣-酸菜魚 (大全街)

Open Now

Now Closed

今日朋友帶領去大角咀食晚飯。奧運站行幾分鐘就到，有座位就睇下食咩先。最後點了生磨杏汁潤肺湯，乾隆鹽水鵝皇，冰鎮咕嚕肉，老壇酸菜魚，黑鎮脆豆腐，生炒臘味糯米飯。天氣熱點下飲品，青島啤酒，珍寶檸檬水，珍寶檸檬茶。青島啤酒解暑一流，珍寶檸檬茶/水真係好珍寶。除左大一隻杯仲有好多檸檬。生磨杏汁潤肺湯：香濃杏汁味道加上雞腳，豬肉，豬肺豐富既材料燉出來。肉汁香加上杏汁香真的很夾。乾隆鹽水鵝皇：鹽水鵝肉質好，好香鵝肉味道。鵝腸爽口，鵝肝香，鵝腎爽口彈牙。冰鎮咕嚕肉：一出場仙境咁有仙氣（冰）,咕嚕肉肉質好外脆內熱。仲有青提子食。老壇酸菜魚：酸辣度岩岩好，唔會太over。配起鱸魚肉起片厚度岩岩好，唔會一夾就散又可以入到酸辣味道。黑鑽脆豆腐：外脆內熱既豆腐，都好可口。生炒臘味糯米飯：臘味爆得夠香，糯米飯炒得唔會太油但又香口。