豐盛閣

Open Now

Now Closed

放暑假，見亞女未去過馬灣，我地一家去一日遊，行下沙灘🏖欣賞夜景🌃，去到挪亞方舟好有渡假Feel😍 今次仲去挪亞方舟度假酒店一家人食dinner buffet，仲可以一路食一路睇靚靚風景，有180度全海景，仲有青馬大橋嘅夜景，睇住靚景心情都特別開心。 今次酒店推出「盛夏果漾海鮮自助晚餐」，岩哂喜歡海鮮嘅我地，自助餐有好多款式，有波士頓龍蝦🦞、麵包蟹🦀、長腳蟹🦀、翡翠螺🐚、香煎鴨肝、刺身等等，仲配埋水果調配嘅醬汁，非常醒胃。 除左海鮮，仲有好多以果漾為主題嘅佳餚，我就好喜歡士多啤梨醬燒杜洛克豬排骨，啖啖肉又軟腍，老公喜歡脆炸咸豬手配香芒黃梅醬，夠惹味又唔會膩，亞女見到甜品就心心眼，有最喜歡嘅Movenpick 雪糕，千層蛋糕又香滑，我就喜歡榴槤布甸，榴槤味香濃。