Video
MTR Tsuen Wan Station(near Tsuen Wan Station Carpark), MTR Tsing Yi Station(near Exit “C”), MTR Kwai Fong Station(Metroplaza), Central Ferry Pier No. 2
continue reading
Telephone
34118836
96641021 (WhatsApp)
Opening Hours
Today
08:00 - 17:00
Mon - Fri
08:00 - 17:00
Sat
08:00 - 21:00
Sun
08:00 - 17:00
Public Holiday
08:00 - 21:30
Public Holiday Eve
08:00 - 17:00
Above information is for reference only. Please check details with the restaurant.
About Reward Scheme
趁哥哥去咗camp，我哋和細佬仔有一個單獨相處嘅假期，我哋就帶細佬去咗馬灣挪亞方舟行吓再食吓自助餐🥰，佢未去過，好開心😁！ 第一次嚟挪亞方舟度假酒店食自助餐，豐盛閣餐廳有靚景有美食，同埋因為憑挪亞方舟當日門票有折😆！餐廳有180度全海景，一邊食可一邊欣賞青馬大橋、汀九橋景致🌉，夜晚著咗燈仲好靚添！ 酒店旁仲有海灘🏖，下次可以帶埋哥哥👦🏻一齊嚟玩埋水！ .依家就做緊「味」遊東南亞海鮮及燒烤自助晚餐，廚師推出多款東南亞特色菜式，好似口感豐富嘅泰式鹵水豬手、惹味越式肉碎炒藍青口、 正宗新加坡喇沙煮蜆、 滋潤嘅椰子雞湯😋 場內仲有多款冰鎮海鮮、熱盤、湯品、壽司刺身、沙律、甜品，大人細路都啱食，大熱天時食冰鎮海鮮最適合不過！encore 咗好多次就係冰鎮波士頓龍蝦🦞、肥美嘅三文魚刺身、惹味嘅火山金沙骨😋 .職員提我記得到餐廳外面嘅特色燒烤區，廚師會為食客即場炮製美國安格斯牛肉眼、香烤羊架、燒扇貝及沙爹串燒等美食，肉眼和羊架都燒得皮脆肉嫩，燒得剛剛好！好惹味！難怪燒烤區一直排長龍！ .最得細佬喜愛🤩就係甜品區🤣，平時少食嘅細佬仔最鍾意芒果布甸、彩虹糕，另外仲有：泰式奶茶卷及榴槤布甸，大家可以一次過試到多款融入東南亞鮮果嘅特色甜品！呢度仲可以任食瑞士Movenpick 雪糕😍 .細佬食完飽飽仲發現咗有個小滑梯玩樂區，媽媽可以趁佢去玩繼續食多一陣！ .自助餐於即日至8月31日逢星期六及星期日供應，如果憑香港挪亞方舟當日門票或者係馬灣居民可享七五折🥳！難得去到馬灣，既欣賞到美麗嘅港灣景色，又食到美味嘅東南亞和燒烤食品自助餐，令到整個假期完美地結束🥰
continue reading
呢排聽朋友講豐盛閣嘅Set Dinner好出名，啱啱好週末想同朋友慶祝，咁就去試吓啦！😋🍤 海鮮拼盤海鮮嘅賣相好靚，蝦同青口都夠新鮮，唔使點太多調味料已經好有鮮味。生蠔都幾肥美，入口即溶，完全無腥味，值得一讚！🦪🍲 牛肝菌蟹肉忌廉湯呢個湯真係飲落去好creamy，牛肝菌同蟹肉嘅味道融合得好好，唔會搶味，又唔會過重，啱啱好balance。🥣蟹肉份量亦都唔少，飲落口感豐富。🍗 慢煮雞胸配松露忌廉雞胸真係嫩滑到不得了，唔會乾柴，食落去仲有陣陣雞味！🍴配埋松露忌廉，香味十足，完全提升咗成個菜式嘅層次，好正！🍄🥩 香煎美國肉眼配雜菌醬(五成熟)五成熟嘅肉眼真係煎得岩岩好，外面香脆，入面juicy多汁，牛味濃郁！🍖雜菌醬帶少少清香，同牛扒嘅油香味互相平衡，食落唔會膩。真係牛扒控嘅首選！🤤🍰 紅桑子朱古力慕絲蛋糕呢個甜品真係冇得輸，朱古力慕絲入口即溶，綿密香滑。🍫配埋少少紅桑子嘅酸味，完全唔會覺得太甜，啱啱好平衡，甜品控一定會鍾意！🍇🍦 Movenpick Ice-cream(朱古力)最後當然唔少得雪糕啦！Movenpick出品，朱古力味道香濃，唔會過甜，質感順滑，係一個完美嘅end note。🍨
continue reading
#挪亞方舟度假酒店的設計行低調奢華✨餐廳落地玻璃 180度全海景 能一次望到青馬大橋、汀九橋海景🥹真係非常寫意啊 打卡度一百分哦📸📸一邊享受無盡嘅海景 一邊𝐀𝐟𝐭𝐞𝐫𝐧𝐨𝐨𝐧 𝐓𝐞𝐚～ CHILL 〰️𝐀𝐟𝐭𝐞𝐫𝐧𝐨𝐨𝐧 𝐓𝐞𝐚 🫖$468份量都多ahh 成十款鹹點及甜點～鹹點有泰式青木瓜柚子沙律、泰式炸蝦餅配酸梅醬、泰式燒牛肉包及冬陰醬帶子酥盒 👅當中我比較喜歡脆卜卜泰式炸蝦餅配酸梅醬、超鬆軟美味的泰式燒牛肉包 鹹點整體質素有驚喜 🤩甜點則有焦糖香蕉拖肥金寶、泰式奶茶卷、荔枝芒果布甸、菠蘿椰子青檸條及蜜柑石榴白朱古力餅🍪好多款式賣相極精緻的甜點 好適合打卡ahhhh🤤 蜜柑石榴白朱古力餅造型可愛、荔枝芒果布甸不會過甜口感清新 🍃下午茶已包括標準飲品如奶茶、檸茶及咖啡等☕客人惠顧時可加HK$30升級至餐酒或特飲一杯 🍷🫖 「夏逸菓韻海景下午茶」🥄🍾 即日至2024年9月30日🚂 挪亞方舟度假酒店豐盛閣餐廳💵 港幣：$468 /兩位💌 查詢及電話預訂：3411 8836或WhatsApp 9664 1021💡挪亞方舟門票持有人及馬灣住客仲可享75折優惠㖭#馬灣#挪亞方舟度假酒店#挪亞方舟豐盛閣 #假日#下午茶#Afternoontea#鹹點#甜點#hkfood #teatime #香港美食 #相機食先 #打卡好去處
continue reading
豐盛閣，創意與美味的盛宴🍗 水牛城炸雞鎚配藍芝士汁這道水牛城炸雞鎚真係掂，外皮炸得香脆，內裡仍保持嫩滑多汁。淋上藍芝士汁後，帶有濃郁的芝士香氣，為整體味道增添層次感。藍芝士嘅鹹香同雞肉嘅鮮味完美結合，令人一試難忘。🍄 松露醬牛肝菌蟹肉酥盒松露醬牛肝菌蟹肉酥盒係一道高級嘅小食。酥皮鬆脆而不油膩，內餡充滿蟹肉鮮味，牛肝菌嘅獨特香氣亦非常突出。松露醬嘅加入提升咗整體層次，每一口都係奢華嘅享受。🍝 燒什菌帶子椒麻拌麵燒什菌帶子椒麻拌麵以多種菌菇搭配，新鮮多汁嘅帶子加上微辣嘅椒麻醬汁，讓人食指大動。麵條彈牙，吸夠咗醬汁嘅精華，口感豐富。這道菜既有辣勁，又不失鮮甜，令人胃口大開。🦞 扒芝士龍蝦肉三文治這款扒芝士龍蝦肉三文治係海鮮愛好者嘅福音。龍蝦肉鮮甜多汁，配上溶化嘅芝士，味道濃郁又不失細膩。麵包烘得香脆，夾住豐富嘅內餡，每一口都係享受。🍅 迷你水牛芝士車厘茄迷你水牛芝士車厘茄係一道清新嘅前菜。水牛芝士嫩滑，車厘茄甜中帶酸，兩者相得益彰。這道菜色彩繽紛，味道清爽，係一個非常好嘅開胃選擇。🍓 意大利芝士紅莓閃電泡芙意大利芝士紅莓閃電泡芙外皮酥脆，內餡係甜美嘅紅莓醬同香濃嘅芝士忌廉。紅莓嘅酸甜同芝士嘅濃郁形成完美嘅對比🍄 小蘑菇豆乳芝士凍餅呢款小蘑菇豆乳芝士凍餅造型可愛，口感嫩滑。豆乳嘅細滑口感同芝士嘅香濃味道完美結合，清甜不膩，係一道健康又美味嘅甜點。🍫 榛子牛奶朱古力蛋糕榛子牛奶朱古力蛋糕係巧克力控嘅天堂。濃郁嘅朱古力味道配上榛子嘅香氣，每一口都係幸福嘅滋味。蛋糕質地鬆軟，入口即化🍮 芒果栗子布甸芒果栗子布甸口感綿密，芒果嘅清甜同栗子嘅香甜完美融合。每一口都充滿濃郁嘅果香，係夏日消暑嘅最佳選擇🧁 冧酒提子鬆餅配忌廉芝士及士多啤梨醬冧酒提子鬆餅質地鬆軟，提子乾嘅甜味同冧酒嘅香氣相得益彰。配上滑溜嘅忌廉芝士同甜美嘅士多啤梨醬，每一口都係味覺嘅享受
continue reading
炎炎夏日去邊呢？來一趟小島渡假美食之旅就最好不過，上星期我哋一家人入左馬灣，先去沙灘玩水，晚餐就去左隔鄰挪亞方舟度假酒店豐盛閣食Dinner Buffet, 過了充實又開心的一天。豐盛閣餐廳面向青馬大橋和汀九橋，無遮擋無敵大海景，可以盡覽黃昏的醉人美景，視覺和味覺雙重享受。今期自助晚餐以東南亞海鮮及燒烤自助為主題，採用各種地道香料，例如：香茅、喇沙、金不換、魚露、咖喱醬、青檸和辣椒等，炮製多款酸甜、香辣的東南亞菜式，充滿夏日感覺。泰式鹵水豬手口感豐富，充滿骨膠原。越式肉碎炒藍青口香辣惹味；香蕉葉焗鱸魚柳清新鮮嫩；火山金沙骨加入檸檬、辣椒，酸辣開胃，口感稔滑。自助餐當然唔少得海鮮，我哋最推介開邊波士頓龍蝦，啖啖肉無限食，鮮甜彈牙。其他仲有麵包蟹、紐西蘭青口、翡翠螺、大海蝦、多款新鮮刺身，冰鎮保持鮮味，refill都好快，刺身師傅每次會切好多片俾客人，唔會慳住俾，咁先食得過癮。值得一提係戶外燒烤區，正宗炭火燒烤，專人烹調食物，有安格斯牛肉眼、香烤羊架、燒扇貝、大虎蝦、牛仔骨、豬頸肉等，風味十足，聞到炭火焦薰既氣味，特別有渡假感覺。最後梗係要留肚食甜品，長長的甜品枱琳琅滿目，特意加入富有泰式風情的甜品如泰式奶茶卷、鳳梨椰子青檸條、班蘭椰子布甸及榴槤布甸，非常特別。其他還有一系列小切餅、慕絲杯、即製班戟、朱古力噴泉等，精緻吸引；還有杯裝Movenpick 雪糕任食，我哋食左好多盒，超開心和滿足😍食完仲可以漫步吹下海風，欣賞馬灣的夜景，璀璨迷人，真是百看不厭🌉
continue reading