秋田浜燒食堂

Open Now

Now Closed

秋田可以話係香港日本菜始祖😎今日朋友仔就帶我食浜燒，餐廳裝修走日本居酒屋風格，用上日本布藝裝飾品，燈光昏暗，環境幾浪漫。佢哋而家仲有個活動係一隻手拎到幾多蝦，就送俾你食❤️😋我地咗個小樽漁港二人餐$1088/2 ，性價比好高，首先過嚟就係前菜，明太子粒粒真係好好食，咬落去脆卜卜有口感。之後有個沙律清一清胃口，落咗少少柚子醋汁可以幫助消化。佢哋嘅日本生蠔真係好出色，本身加咗少少酸汁調味，生蠔唔算太大隻，但係勝在蠔味香濃，入口爽甜。刺身拼盤好出色，每一件都好厚身，特別係油甘魚，肉質厚實好大片，鮮甜無比。終於到咗，今日最精彩嘅環節就係燒海鮮，師傅會喺你面前即場燒俾你食，帆立貝真係好大隻，落咗少少湯汁去煮，識嘅時候好甜。而鮑魚係新鮮，仲係識得郁🫶🏻🫶🏻🫶🏻師傅好能夠掌握到火候，所以食嗰陣係爽口！甲羅燒呢隻勁大隻😛蟹膏上面有滿滿嘅蟹膏、蟹籽，仲有鵪鶉蛋。店員會拎埋過個爐過嚟，即場幫我哋燒，視覺享受。甲羅燒份量好多，有滿滿嘅蟹膏、蟹籽🫢😋仲有刺身飯同埋鰻魚飯，兩樣都好吸引大滿足 ！