鍋心粥底火鍋 (德成街)

Open Now

Now Closed

又想過下海鮮癮，又想食火鍋，鍋心咁出名一定要黎試試呢晚比較早食，所以唔洗等位，好快就已經安排座位開餐海鮮款式都唔錯，有7,8款，一次過上晒枱，可以自己決定想食咩就落咩先花甲、沙白同蟶子都鮮甜，冇沙，亦冇唔開口蟹同樣多肉，一咬落去一梳梳蟹肉鮑魚肥美，厚身彈牙，可惜每人得1隻青口有驚喜，真係好大隻，厚肉，大隻到碗都差d放唔落，夾上手好重身，好新鮮，多汁食完海鮮之後仲有火鍋配料，食晒再加埋南瓜粒，芋頭粒，將湯底變成美味既粥底其實黎到呢個時候都8成飽，但係個粥好好食，吸收晒所有海鮮同配料味，但唔會太鹹太膩，不知不覺間就成個粥底都食晒