新泰東南亞餐廳 (興旺閣)

Open Now

Now Closed

今日喺灣仔搵食，入到呢條街，發現有幾間餐廳，其中一間泰國菜裝修好有泰國風味，裝修精緻、座位寬敞，於是就入去食個午餐。兩個人食午餐，叫嘅款式唔會太多，主要揀啲小食，希望是幾款唔同嘅菜式。第一味係「羊肉串燒」，平時串燒就食得多，一般都係豬肉牛肉或者雞肉，今次呢度有羊肉串燒，非常特別，羊肉厚切大大件，食入口好嫩滑，仲有炭燒嘅香味，再配合沙嗲醬，充滿泰式風味，非常推介。接着，叫咗一鍋「肉骨茶」，份量啱啱好兩個人，肉骨茶湯底非常濃郁，而湯入面有好多配料，包括好香滑、好鮮味嘅排骨。仲有「馬拉盞炒通菜」，「南瓜海鮮焗飯」，全都好惹味，好抵食。飲品方面，非常推介「椰青沙冰」，用新鮮椰青製成沙冰，非常清甜可口，非常解渴，而且大大杯，好抵飲。