尚夢・茳煳 (Closed)

上次嚟食過佢哋嘅豉油雞 覺得好味😋而且lunch set有湯、醃菜、主食、甜品性價比幾高所以今次嚟試吓其他美食同埋哩度環境有格調 適合約會傾偈食飯🔸湯品：魚翅瓜湯湯煲得夠火喉，瓜清甜，有排骨嘅肉香，加上有個爐仔座熱住，好飲！🔸山城口水雞（$118）雞煮得剛剛好，就算胸位都唔會好鞋口，雞皮又爽彈，醬汁咸咸地有蒜香同醋香，辣度較微，口味大眾化。🔸八寶荷葉飯（$128）哩個有驚喜！荷葉香氣好明顯，材料豐富，有蝦、香菇、瑤柱、咸蛋黃等海味，飯吸收哂荷葉、海味、醬油嘅味，而且粒粒分明，好好食！！🔸桂花糕好清甜、好香，味道少甜，清爽好食！👍🏻另外佢哋嘅咖啡都好好飲，又香濃又滑！