Calle Ocho

Open Now

Now Closed

今次同朋友去咗試呢間位於銅鑼灣嘅西班牙菜餐廳——Calle Ocho。我地點咗政府推行嘅Dining city優惠餐，呢間餐廳就喺銅鑼灣港鐵站E出口附近，行約四分鐘就到，好易搵。蕃茄濃湯。呢個湯好濃郁，濃濃嘅蕃茄味道！每一口都係純正嘅蕃茄滋味。湯嘅質地好滑順，絕對係一個好開胃嘅開始。西班牙小辣椒。呢道菜色帶嚟嘅辣椒香氣好撲鼻，一啖入口，辣椒味即刻爆發！辣椒嘅口感酥脆。如果你鍾意呢類菜，絕對啱你。西班牙炸丸子。賣相誘人。我個人認為味道尚可，不妨一試。炸薯粒配辣醬。酥脆嘅薯粒係外脆內軟，每一粒都係炸得恰到好處。薯粒夠香口，令味道更加均衡豐富。無論係當作開胃小食定係配菜，呢個炸薯粒絕對係一個不能錯過嘅選擇。香煎鱸魚蘆筍焗薯。呢個菜色結合咗鱸魚、蘆筍同焗薯，味道豐富多層次。鱸魚煎得金黃酥脆，唔知點解食落有種好高級嘅感覺。甜品。精緻，正常味道，沒什麼特別。黑松露蛋餅。味道一般，若黑松露香味濃一點更好。店員嘅服務態度都好好，我地用英文溝通（無求證佢地聽唔聽得明白中文）。Calle Ocho係一間唔錯嘅西班牙菜餐廳。食物用心制作，加上餐廳員工的優質服務態度，這裡絕對是能感受到食西班牙菜氣氛嘅好地方。