Video
Read full review
2017-02-05
2902 views
Maggie妹 & Elaine妹特登嚟探肥媽同肥媽拜年，細妹建議先請佢哋食午餐，就呢間啦！平靚正嘛！今次係我第二次嚟(第一次亦係細妹介紹)，我哋一行四人，細妹11：50pm嚟攞位，等咗十五分鐘左右，可以入座！由於事前已溫定功課，我好快鎖定目標！我點咗1)甜蝦沙律、2)白汁雞肉菠菜、3)墨魚汁意粉；細妹點咗4)香辣雞翼(8隻)、5)三文魚沙律、6)煙肉菠菜；Maggie & Elaine就點咗7)水牛芝士Pizza & 8)三文魚芝士餅；另外加四個自助餐飲(每位$12，無限添飲)。啲食物好快嚟到，大約十分鐘已經嚟齊，放到成枱都係，好壯觀！好滿足！兩碟沙律要求啲醬分開上係明智嘅！因為唔駛咁heavy！我先試甜蝦沙律，蝦仔好細，但鮮甜，菜&車厘茄亦新鮮爽脆，好味！之後我食白汁雞肉菠菜，啲汁好入味，同菠菜好夾！我一個人食咗大半碟！So Yummy～再嚟墨魚汁意粉，坦白講，我唔知乜嘢味？有少少鹹，有三舊墨魚圈，有少少墨魚碎，加埋墨汁黑猛猛，好有墨魚feel, 但味道偏淡！意粉唔多似意粉，幼身偏硬有咬口，似天使麵！雖然係咁，但我都撈啲白汁菠菜啲汁，食咗四份三碟！(因佢哋唔多鍾意，淨係Maggie
今次係我第二次嚟(第一次亦係細妹介紹)，我哋一行四人，細妹11：50pm嚟攞位，等咗十五分鐘左右，可以入座！
由於事前已溫定功課，我好快鎖定目標！我點咗1)甜蝦沙律、2)白汁雞肉菠菜、3)墨魚汁意粉；細妹點咗4)香辣雞翼(8隻)、5)三文魚沙律、6)煙肉菠菜；Maggie & Elaine就點咗7)水牛芝士Pizza & 8)三文魚芝士餅；另外加四個自助餐飲(每位$12，無限添飲)。
啲食物好快嚟到，大約十分鐘已經嚟齊，放到成枱都係，好壯觀！好滿足！
兩碟沙律要求啲醬分開上係明智嘅！因為唔駛咁heavy！我先試甜蝦沙律，蝦仔好細，但鮮甜，菜&車厘茄亦新鮮爽脆，好味！
之後我食白汁雞肉菠菜，啲汁好入味，同菠菜好夾！我一個人食咗大半碟！So Yummy～
再嚟墨魚汁意粉，坦白講，我唔知乜嘢味？有少少鹹，有三舊墨魚圈，有少少墨魚碎，加埋墨汁黑猛猛，好有墨魚feel, 但味道偏淡！意粉唔多似意粉，幼身偏硬有咬口，似天使麵！雖然係咁，但我都撈啲白汁菠菜啲汁，食咗四份三碟！(因佢哋唔多鍾意，淨係Maggie試咗少少，最後我全碟清哂！)
三文魚芝士餅，外脆內軟亦夠熱，似食有魚味同雜菜粒嘅薯餅！我點啲沙律醬汁，好味！
雞翼我冇食，但佢哋話唔錯，同樣清哂！
唯獨剩返兩片pizza食唔哂打包，我傍晚KO咗，又係鹹鹹哋，似麵包舖嘅芝士包！我點咗好多茄汁，味道都ok！
自助餐飲我飲咗一杯熱美祿、半杯道地凍檸茶同沖咗一杯熱蘋果茶(用蘋果茶包)，蘋果茶我自己加咗一包代糖，Oh～So香！So tasty！！
埋單$250，四人計每人只需$62.5，但呢餐細妹請！好抵！好味！多謝細妹～
連續食咗兩餐勁嘢，雙下巴又快重現了！真係要好好收斂了！
Post
