美味故事 (Closed)

見呢個名咁美味，於是約埋大食fd黎食晚餐，順便傾下一月去曼谷旅行既行程。坐底諗緊食咩時，侍應就送上餐前飲品－芒果沙冰，比我地一路食一路揀，果然夠體貼。Dinner set $138~$328，豐儉由人。我揀左$158黑松露芝士薯茸焗大啡菇，包餐湯、蒜蓉法包、沙律、餐前小食、甜品及飲品。呢個蘑菇濃湯真係有d好幼細既蘑菇粒，濃度岩岩好，吾錯。溫泉蛋蟹籽沙律配蒜蓉包同芝士神秘波波卷沙律菜原來配溫泉蛋係好match，可以代替沙律醬無咁肥之餘，仲增帶起左沙律既鮮甜。波波真係有d神秘感，用青瓜包住車厘番茄同芝士。一口咬落去，蕃茄汁係口腔爆哂出黎。黑松露芝士薯茸焗大啡菇配酸忌廉焗薯黑松露芝士薯茸舖滿大啡菇，個菇好新鮮而且多汁，一齊食好滋味，推介酸忌廉焗薯雖然係配菜，但一d都唔hea，薯仔焗至熟透，同凍凍地酸忌廉比到一仲冰火交融既感覺。玫瑰洛神養顏花果茶，無糖，消泄一流。最後黎個D24榴槤慕絲蛋糕。蛋糕呈半球體，底層係啫喱，外層同內層都係榴槤慕絲。除左濃濃既榴槤味，仲幾有口感層次，食完吾會話好膩。