越男仔 (Closed)

陪朋友嚟附近洗車，順便一齊食個快飯。分別揀左無骨雞海南雞飯配牙車快沙律；生牛雙蝦椰汁酸湯。飲品就揀左菠蘿梳打同水果茶個海南雞非常之香，雞皮充滿椰子香味，雞肉嫩滑又有雞油脂香味，呢個黃薑飯原本以為會係好辣或者好重香料味，點知佢係椰汁為主食落非常香口，咬落粒粒分明配埋海南雞汁，零捨開胃。至於個牙車快沙律，酸酸甜甜好開胃佢嘅魚露醬汁令到個沙律更加惹味而且份量都唔少，唔係就咁蔬菜沙律，係有埋米紙卷，配搭埋肉絲，好好味！至於椰汁酸湯底，都係第一次試，又酸又香好啱我胃口，而且又有牛肉同埋生蝦，用料十足。檬粉吸曬湯汁都好味道，夏天食呢個酸酸又香嘅檬粉，真係好食到停唔到，特別有胃口!最後仲飲埋杯水菠蘿梳打同水果茶用上唔同嘅生果，冰涼又清新，爽呀！