越大哥 (中興新街) (Closed)

越南春卷😽我最中意就係食越南春卷，呢度就整得好好，夠晒脆口，餡料有好多菇絲菜絲，爽脆得黎又唔會好唔健康，再點少少酸汁黎食就仲開胃啦！越式豬扒法包😸法包焗得好脆，但又未脆到硬身咬唔到，係外脆內軟，包入面仲好軟熟，豬扒切好晒一塊塊係包入面，再有啲芫茜同紅蘿蔔絲，成個包都口感豐富！火車頭河粉😻飲得出湯底係用帶肉既牛骨煮出黎，濃香既牛味滲晒出黎，配料亦好豐富，有牛筋、牛丸、牛肚，仲有扎肉，亦有充足既芽菜、洋葱、香葱同香葉，濃香牛味得黎又幾清新，再用啲檸汁撈埋，唔會好溜好飽，反而味道配搭得好好呀！