AJ's 斯里蘭卡餐廳 (Closed)

放假數天，唔想在市區人迫迫，趁周五下晝入西貢行下。幫襯完日式雜貨店，順住條路再行入Ｄ，就發現呢間餐廳。另一半曾經到斯里蘭卡旅遊，懷念至今，所以決定入去試試。一入到去，感覺有幾分似去左外地旅行。座位唔多，但好幾張檯都已經訂座，好彩我地早來到。服務員奉上一籃薄脆，配襯的醬汁有菠蘿肉，好好味。打開餐牌，裡面用中英文詳細列出每種食物由乜野材料煮，仲有素菜選擇。因為我抱恙，唔敢試咖喱住，最後揀了兩個唔辣的主菜，再加一個小食，另外叫了一壺薄荷茶，希望通鼻塞（飲完真係舒服Ｄ）。餐廳環境乾淨企理，而且氣氛頗為浪漫，好想趁周年紀念或者生日再去一次。