福岡漢堡扒 (鴻威大廈)

Open Now

Now Closed

今晚約左朋友食飯，決定試下旺角呢間分店！我地比較早入去，六點時都無咩人，唔夠半小時已經坐滿人，開始仲有人排隊。往往好食的地方都一定多人排隊，咁我地要快點叫野食先得～忌廉芝士沙律除了有冷盤小食泡菜外，我地叫左沙律，真心覺得超好食！沙律菜好新鮮，而且菜款亦多，配忌廉及特制醬汁，口感更豐富，開胃不錯之選。值得一讚係食得出佢用左新鮮的檸檬汁而唔係用醬料檸檬水的效果，加上忌廉的香滑口感，好好味！芝士蛋和牛漢堡扒職員聽到朋友係第一次來，好細心教我地點煎和牛，開埋抽油煙機，食得舒服😌！經過專人教導後，我發覺我燒的和牛啱啱好，入口即溶，肉汁嘅香味係口裡蕩漾。食完一塊忍唔住想要叫多份！雞蛋和牛漢堡扒份量足，和牛食落去，爽口彈牙得黎十分軟淋，非常juicy ,本身好牛嘅我真係食過番尋味。加上肉汁同泡菜汁非常好味。餐飯我地食到咁滿足，唔怪之得呢間餐廳咁多人。蜂蜜紅棗茶及蜂蜜柚子茶最後飲埋佢地的特飲，爽～兩杯飲品大大杯，唔會太甜，清新可口，消膩～日後去旺角又多一間好地方食野。