Burgeroom (美麗華廣場1期) (Closed)

週末去尖沙咀行吓街，行到去美麗華，咁啱想食漢堡包，所以就諗起呢間burgeroom，以前都食過幾次，印象中都幾好味。今次再食，覺得水準保持到。餐廳裝修有特色，係工業風，環境暗暗地，行型格嘅路線。🌟叫咗個煙肉芝士牛肉漢堡，午市加$35可以有埋飲品同薯條，以尖沙咀區同埋咁樣嘅質素嚟講，其實都好抵🌟漢堡包份量十足，中間塊肉幾厚同埋Juice，配埋輕微溶溶哋嘅芝士，口感豐富美味！薯條係脆脆地，係我鍾意食嘅質地。