牛站(駅)麻辣火鍋放題

Open Now

Now Closed

幾個朋友聚餐，任食火鍋係我地首選，相約在觀塘道亞太中心6樓嘅牛站，晚上六點半已幾乎滿座，今日選中間嘅2號餐，再揀冬瓜瑤柱豬骨鍋及龍蝦頭鍋。豬骨鍋有冬瓜同大大件豬骨比較清甜，龍蝦頭鍋有成隻龍蝦頭，越滾越香濃。🤩可選4款牛，美國極黑和牛片，安格斯牛板腱，封門柳同牛肩胛片，有牛味濃有軟滑，各有優點，除咗牛肉外豬梅肉片我覺得係幾好食，肉味濃又腍，一啲都唔梅。🤣帆立貝、海蝦、田雞腿、花膠、海蔘脆鯇魚片，仲有爽脆墨魚都好食，燒乳鴿皇好嫩滑即叫即炸。自助區有多款飲品，甜品，名牌雪糕同樣任飲任食，有很多火鍋配料，丸類，蔬菜，涼拌小食。選擇之多一次係食唔晒，我地幾個都食得好滿足。