牛摩+ (新都城中心二期) (Closed)

難得朋友返嚟香港，當然要帶佢去打邊爐啦～今次同朋友咁耐冇見當然要食好d啦～順便滿足一下自己嘅欲望同埋發洩返工嘅壓力🤪🤪係湯底方面牛摩+真係有好多特別又好食嘅湯底。作為一個麻辣愛好者，當然唔可以錯過呢個麻辣鴨血湯，而我朋友就揀咗蟲草花雞白湯，一邊享受包羅萬有嘅美食，一邊補下身😂今次我哋就叫咗個極盛和牛雜錦套餐，入面包括咗日本和牛，SRF美國和牛，美國牛小排，黑毛豬，仲有海鮮拼盤!!!! D和牛肉質香嫩，而黑毛豬就有濃濃嘅豬肉味，配合自己嘅愛湯，真係冇得彈！🥰🥰🥰海鮮拼盤就有海蝦，半殼帆立貝，半殼青口，魷魚仔。雖然本人唔係海鮮愛好者，但係佢嘅青口同帆立貝真係好大隻同埋好好食，帆立貝嘅裙邊仲會有脆脆嘅口感，真係超好食。好推薦各位試試😊雖然淨係肉嘅份量已經令我同朋友好飽，但係佢嘅任食材料有好多特別又好食。我朋友打邊爐都一定要食丸，墨魚丸、魚蛋、牛丸、芝士丸、龍蝦丸全部都要試一次😂 而我都幾大食嘅，烏冬、生麵、芋絲、(同埋我最鍾意嘅)蕎麥麵我都食咗一次，總括嚟講個任食吧都相當豐富同埋食材新鮮。如果食下食下覺得太油膩，仲有好多款菜同菇比各位任君選擇。🤩飯後就當然要食甜品啦～有芒果迷鍾意嘅芒果布丁同