Video
Read full review
2024-08-23
264 views
之前黎呢度食過晚市二人餐，感覺唔錯。相約有排都無見嘅友人見下面，知道依家至8月底，做緊每位$298嘅假日午市放題，可任食刺身，炸物串燒及壽喜燒二小時，梗要相約朋友黎試下啦。十二時開始，準時到達，今次坐位於吧枱前面，可以睇住侍應不停傳菜。手機掃二維碼落單，環保之餘仲無漏單。頭盤每人一客磯煮鮑魚及三色刺身，擺盤相當精美。鮑魚煮得相當入味及彈牙口感; 刺身亦肥美夠口感，作為頭砲幾唔錯。胃口開咗，回本必食嘅首選刺身。提供六款刺身，有大路嘅三文魚，油甘魚及赤蝦。仲有時令季節嘅魚類及貝類。魚類係鯛魚，入口幾鮮甜。而貝類代表就係厚切帶子，一啖一隻鮮甜軟熟，不禁成為追加目標。食完凍就到熱，炸物串燒無可能抗拒到。燒鷄翼串，一串兩隻，每人四隻碎料啦。將佢整薄再燒，令皮更香脆，味道略為淡D，枱上有七味粉可自行加。鷄類唔好比佢停，仲有唐揚炸鷄及鷄皮餃子，即叫即炸，入口夠熱，點沙律醬食係會增加邪惡度。估唔到有芝士薯條，唔理熱氣問題啦，照落單 (哇哈哈……)吉列蠔食埋見隔離枱都食緊壽喜燒，有安格斯牛肉，日本豚肉及野菜鍋，就要個安格斯牛肉鍋。鍋中已放滿各式野菜，豆腐，菇菌及粉條。滾起就可加牛肉，薄薄一片好快就轉色食
相約有排都無見嘅友人見下面，知道依家至8月底，做緊每位$298嘅假日午市放題，可任食刺身，炸物串燒及壽喜燒二小時，梗要相約朋友黎試下啦。
十二時開始，準時到達，今次坐位於吧枱前面，可以睇住侍應不停傳菜。手機掃二維碼落單，環保之餘仲無漏單。頭盤每人一客磯煮鮑魚及三色刺身，擺盤相當精美。
鮑魚煮得相當入味及彈牙口感; 刺身亦肥美夠口感，作為頭砲幾唔錯。
胃口開咗，回本必食嘅首選刺身。提供六款刺身，有大路嘅三文魚，油甘魚及赤蝦。仲有時令季節嘅魚類及貝類。
魚類係鯛魚，入口幾鮮甜。
而貝類代表就係厚切帶子，一啖一隻鮮甜軟熟，不禁成為追加目標。
食完凍就到熱，炸物串燒無可能抗拒到。燒鷄翼串，一串兩隻，每人四隻碎料啦。
將佢整薄再燒，令皮更香脆，味道略為淡D，枱上有七味粉可自行加。鷄類唔好比佢停，仲有唐揚炸鷄及鷄皮餃子，即叫即炸，入口夠熱，點沙律醬食係會增加邪惡度。
估唔到有芝士薯條，唔理熱氣問題啦，照落單 (哇哈哈……)
吉列蠔食埋
見隔離枱都食緊壽喜燒，有安格斯牛肉，日本豚肉及野菜鍋，就要個安格斯牛肉鍋。
鍋中已放滿各式野菜，豆腐，菇菌及粉條。滾起就可加牛肉，薄薄一片好快就轉色食得。肉味幾濃，口感嫩滑。
又要再追加啦，品質仍然係吸睛。
仲有幾款迷你丼飯，呢款係海之幸丼，除咗有各類角切魚類，亮點仲有海膽，係海膽呀。
將海膽混入醋飯中，一啖送入口，鮮甜海膽味飄出黎。已經飽到要抖一抖先再食之際，侍應哥哥通知出面有甜品。有部刨冰機及牛角酥窩夫已經等緊客人們。
加入自選汽水(橙汁味)就變成橙汁刨冰及朱古力漿藍莓牛角酥窩夫。
食飽好彩呢區大把商場，要行多幾間先可以消化到呢一餐呀。
Post
