Video
Read full review
2022-12-13
133 views
要不是朋友提議，其實我絕不會諗到要去試荷蘭菜，可能臨近聖誕節，黎到見到紅色同原木為主嘅色調，唔知點解令我諗起之前去食芝士火鍋嘅傳統瑞士餐廳，即時覺得同12月好啱feel，有種期待感。 店員同廚師好熱情介紹每一道菜嘅細節，仲提到老細兼大廚原來係荷蘭人，食落真係感覺到佢煮出咗家鄉家庭菜嘅味道。荷蘭香腸雖然焗得好香口，但質感幼嫩完全唔會乾。 最令我驚喜嘅係香腸調味好惹味，甚至食到一絲全盛時期廚師腸嘅香味，配埋洋蔥同咖哩蛋黃醬冇可能唔好食。傳統白蘭地龍蝦湯即場有個火焰表演，店員倒入白蘭地之後點火，除咗靚之外飲嘅時候真係感覺到淡淡酒香提鮮。 呢個可以話係我飲過最濃郁最好飲嘅龍蝦湯，濃得黎完全唔會有苦味，只係單純海鮮香甜味，飲得出打得順滑嘅龍蝦殼個種炒香過嘅甲殼香氣，店員仲話100%龍蝦製成，冇加其他蝦落去，難怪咁出色。 好鐘意佢真材實料勁多龍蝦肉，一碗近乎有半隻龍蝦咁多，完全係濃縮左龍蝦嘅精華咁。黑松露法國鵪鵓應該係我嘅鵪鶉初體驗，本來以為同乳鴿差唔多，但的確係有鵪鶉獨特嘅香味，而且肉味超濃。 鵪鶉已經起咗肉，唔同部位有唔同煮法，髀炸得好酥脆，相對係香口而肉味比較淡。 鵪鶉扒就好似高級日式串燒店
荷蘭香腸雖然焗得好香口，但質感幼嫩完全唔會乾。 最令我驚喜嘅係香腸調味好惹味，甚至食到一絲全盛時期廚師腸嘅香味，配埋洋蔥同咖哩蛋黃醬冇可能唔好食。
傳統白蘭地龍蝦湯即場有個火焰表演，店員倒入白蘭地之後點火，除咗靚之外飲嘅時候真係感覺到淡淡酒香提鮮。 呢個可以話係我飲過最濃郁最好飲嘅龍蝦湯，濃得黎完全唔會有苦味，只係單純海鮮香甜味，飲得出打得順滑嘅龍蝦殼個種炒香過嘅甲殼香氣，店員仲話100%龍蝦製成，冇加其他蝦落去，難怪咁出色。 好鐘意佢真材實料勁多龍蝦肉，一碗近乎有半隻龍蝦咁多，完全係濃縮左龍蝦嘅精華咁。
黑松露法國鵪鵓應該係我嘅鵪鶉初體驗，本來以為同乳鴿差唔多，但的確係有鵪鶉獨特嘅香味，而且肉味超濃。 鵪鶉已經起咗肉，唔同部位有唔同煮法，髀炸得好酥脆，相對係香口而肉味比較淡。 鵪鶉扒就好似高級日式串燒店嘅出品咁，表面燒得金黃內裏爆汁，對於初試鵪鶉嘅人黎講係好好嘅體驗，因為感覺到呢個用心嘅煮法已經令鵪鶉達到佢最高嘅境界。
欣賞唔少菜式都有wine pairing，作為唔好酒之人，好多時為氣氛而飲最後都唔太享受，但呢度揀嘅酒好唔錯，易入口，亦明顯感覺到有啲有果香、有啲較dry，令菜式有加分。
朱古力心太軟有九成以上都係流心，我鍾意朱古力餡好濃稠唔會太甜，朱古力味超濃，偏黑朱古力嘅味道，不經意食到櫻桃醬，酸酸甜甜完全唔會膩。 店員特別介紹雪糕上面外表平凡嘅餅乾原來係荷蘭芝士餅，口感有少少煙韌都幾得意，唔知點解令我諗起雞仔餅嗰種鹹香，值得一試。
Post
