Hawa Poke (Closed)

呢日同屋企人去左德福廣場行街，行到攰之後我地去左food court 呢間丼飯店食dinner。睇睇餐牌，見到啲丼飯好吸引，望落去好colourful，令人食慾大增！佢有6款丼飯可以揀。今次點左加洲風味同埋大滿貫。加洲風味主要有三文魚，再加埋青瓜絲、蛋絲、三文魚籽等配料，幾豐富。而大滿貫就好豐富，入面有三文魚、吞拿魚、牛油果、蛋絲、蟹籽、香菇、中華沙律、木魚絲等，好滿足啊！小食方面，我地點左炸蟹鉗。牛油果奶昔好creamy，值得一試！