Video
Read full review
2021-09-19
538 views
瀟湘薈喺灣仔The Hennessy 25樓，上到去嘅景觀令人眼前一亮，成個灣仔跑馬地盡收眼簾，好開揚 身心舒暢。瀟湘薈主打私房菜，食嘅係正宗嘅地道湖南菜同廣東菜，鍾唔鍾意食辣都啱食。嚟之前記得訂位～如果人多疫情過後仲可以一大班人嚟食飯唱K添～我哋今日就兩個人嚟relax吓食飯嘆茶～【永州釀豆腐】上面有少少蒜茸、蔥粒、辣椒粒，幾惹味，釀咗豬肉喺入面，成個食落幾juicy。【牛筋燜牛腩】好多牛筋、牛腩，軟腍兼肉味濃郁，送飯食就最啱；仲有牛筋就最啱補充骨膠原呢。【永州血鴨】呢道菜係湖南傳統名菜，用鴨血嘅血漿一齊炒，仲有毛豆同薑片，味道夠晒突出可口。【豬油油麥菜】用豬油炒菜，油香同油麥菜嘅爽甜味好夾，而且口感更嫩滑。食飽再對住咁好嘅景色慢慢嘆茶，度過一個優悠下午。
瀟湘薈主打私房菜，食嘅係正宗嘅地道湖南菜同廣東菜，鍾唔鍾意食辣都啱食。嚟之前記得訂位～如果人多疫情過後仲可以一大班人嚟食飯唱K添～
我哋今日就兩個人嚟relax吓食飯嘆茶～
【永州釀豆腐】
上面有少少蒜茸、蔥粒、辣椒粒，幾惹味，釀咗豬肉喺入面，成個食落幾juicy。
【牛筋燜牛腩】
好多牛筋、牛腩，軟腍兼肉味濃郁，送飯食就最啱；仲有牛筋就最啱補充骨膠原呢。
【永州血鴨】呢道菜係湖南傳統名菜，用鴨血嘅血漿一齊炒，仲有毛豆同薑片，味道夠晒突出可口。
【豬油油麥菜】用豬油炒菜，油香同油麥菜嘅爽甜味好夾，而且口感更嫩滑。
食飽再對住咁好嘅景色慢慢嘆茶，度過一個優悠下午。
Post
