Video
Read full review
2023-10-27
67 views
對住咁靚嘅夜景食飯，啲餸都特別好味前菜係白鱔加酸梅醬，魚味淡，但酸酸地幾清新北海道馬糞海膽配真鯛魚，魚味較淡，用海膽提鮮啱啱好北海道帆立貝，師父係用手撕開，睇到好清楚嘅纖維，上枱前再拍打，肉質更加緊致煙燻金目鯛，用蘋果木煙燻過，散發淡淡煙燻嘅香味，配上紫蘇花，增添風味網燒鰤魚，屬於季節性嘅魚種，脂肪豐富，網燒更加可以迫出油份，加上柚子胡椒，鹹香魚味非常豐富，好好食火炙BB銀鱈魚，又係一款油脂爆燈嘅魚，配上日本烏魚子碎，有蛋黃嘅鹹香，配搭出色鮟鱇魚肝，採用慢煮而非蒸嘅方法，特別綿滑，直情有食鵝肝嘅感覺中拖羅及大拖羅，繼續食魚油香嘅魚，淺色係近魚鮫位置，有咬口但都入口即溶秋刀魚，單看魚身已經閃閃發光，證明鮮度十足，用埋秋刀魚肝加魚骨熬煮醬油，鮮上加鮮日本生蠔，屬於真蠔，蠔身超濃味，裙邊爽口鮮甜，配紫洋蔥醬，有紅酒汁嘅影子，幾特別蒜蓉牛油焗澳洲龍蝦，龍蝦煮到八成熟唔會太韌，個心仲有少少生，調味恰到好處，唔會蓋過龍蝦本身嘅鮮味深海池魚壽司-魚肉結實爽口又不乏魚油香，各樣都好平衡，好食北寄貝壽司，拍打後肉質結實咗，鮮甜味有別於灼熟咗，係新鮮貨先做到呢個效果牡丹蝦壽司，用冰鮮方式保存及運送，較雪藏
對住咁靚嘅夜景食飯，啲餸都特別好味
前菜係白鱔加酸梅醬，魚味淡，但酸酸地幾清新北海道馬糞海膽配真鯛魚，魚味較淡，用海膽提鮮啱啱好
北海道帆立貝，師父係用手撕開，睇到好清楚嘅纖維，上枱前再拍打，肉質更加緊致煙燻金目鯛，用蘋果木煙燻過，散發淡淡煙燻嘅香味，配上紫蘇花，增添風味
網燒鰤魚，屬於季節性嘅魚種，脂肪豐富，網燒更加可以迫出油份，加上柚子胡椒，鹹香魚味非常豐富，好好食
火炙BB銀鱈魚，又係一款油脂爆燈嘅魚，配上日本烏魚子碎，有蛋黃嘅鹹香，配搭出色鮟鱇魚肝，採用慢煮而非蒸嘅方法，特別綿滑，直情有食鵝肝嘅感覺
中拖羅及大拖羅，繼續食魚油香嘅魚，淺色係近魚鮫位置，有咬口但都入口即溶
秋刀魚，單看魚身已經閃閃發光，證明鮮度十足，用埋秋刀魚肝加魚骨熬煮醬油，鮮上加鮮日本生蠔，屬於真蠔，蠔身超濃味，裙邊爽口鮮甜，配紫洋蔥醬，有紅酒汁嘅影子，幾特別
蒜蓉牛油焗澳洲龍蝦，龍蝦煮到八成熟唔會太韌，個心仲有少少生，調味恰到好處，唔會蓋過龍蝦本身嘅鮮味
深海池魚壽司-魚肉結實爽口又不乏魚油香，各樣都好平衡，好食北寄貝壽司，拍打後肉質結實咗，鮮甜味有別於灼熟咗，係新鮮貨先做到呢個效果
牡丹蝦壽司，用冰鮮方式保存及運送，較雪藏嘅方式更能保持蝦嘅爽口質地同鮮甜醬油漬筋子壽司，是自家醃製，有輕輕嘅酒香，加上柚子皮，有清新嘅感覺
馬糞海膽壽司，單睇份量已經夠震撼，鮮味回甘味响口腔裏面維持咗好耐，真係想食多件右口魚裙邊壽司，火炙後完全逼出油分，啲油滲哂落壽司飯裏面，連埋紫菜食超滿足
甜品：北海道赤肉蜜瓜，開心果雪糕大滿足
再講餐廳嘅服務完全係200分，換碟，加茶，抹枱，加薑，所有細節都恰到好處，不多也不少，讚👍
Post
