美滿餐廳 (Closed)

今日陪家人行吓買吓嘢，求其去咗VCity對面嘅美滿餐廳，坐低先發現其實都唔係好平。叫咗兩份睇落比其他餐抵少少嘅特餐，都要$42一份架。熱奶茶、熱阿華田，熱奶茶無茶香，似飲緊淡奶咁。鮮茄薯仔肉碎湯螺絲粉、鮮茄薯仔肉碎湯米線，番茄、西芹、薯仔同紅蘿蔔嘅份量算多，酸酸甜甜，食起嚟都冇咩太重味精，尚可，不過螺絲粉就煮得腍咗少少。奶油脆豬仔包配鮮奶炒蛋及豬頸肉、牛角包配鮮奶炒蛋及香煎豬扒，我係食豬頸肉嗰份，奶油脆豬仔包脆口，鮮奶炒蛋都幾滑，但豬頸肉油份好多，碟上清楚見到有一小灘油，幸好調味OK，配搭上對得起四十幾蚊呢個價錢。