美滿餐廳 (Closed)

好好人員工好好 心地好牛角包🥐好食抵食性價比高早餐豐富今時今日三十幾蚊仲食到咁多野非常好同埋好感動香港勝在有你真係好美滿超開心失而復得屯門有良心的餐廳下次再去食☺️

呵呵，下午茶大使又黎喇！ 今次下午茶試咩好? 就一於試下茶餐廳啦！ 以下午茶來說，三十八元不是太平， 但這間餐廳總是人山人海，所以很想一試！ 我點咗個咖喱雞飯 $38，加杯凍檸茶+3元。咖哩味很濃，而椰汁味的份量亦不少。 他的辣並不是辣椒油的辣，而是本身的咖哩的辣味，十分值得一讚！ 因為很多餐廳會把咖哩溝稀，還會落辣椒油，假扮成咖哩辣味。雞扒份量亦算多，有數大片，不過薯仔只有一小件。凍檸茶很重紅茶味，不會太甜！十分好喝。朋友點了焗蕃茄豬扒飯。 它的番茄醬汁味超重， 2豬扒日很大塊！ 整體而言，這間餐廳的食物質素很高，值得一試！

在屯門食野,求其搵一間試試個下午茶,點知又係伏。一坐低,職員放下兩杯水後就在一直傾計,客人完全是透明的。叫左好耐"唔該"後終於有人應...下午茶餐餐牌係: 沙嗲牛肉/豬扒米/煎蛋/腸仔/午餐肉等等任揀兩款我地揀左沙嗲牛肉加豬扒,,但只有一片牛肉.....湯底色唔錯,但沒有沙嗲味,食完好口渴。另一碗是煎蛋加豬扒,除了湯底是味精加水外,沒什麼可言.....可讚之處係煎蛋有蛋味囉....在屯門住在咁多年, 呢間餐廳由裝修前已經係無乜心機經營;裝修後除了吃裝修費之外, 食物水準維持....如果無乜其他選擇的話, 這間餐廳用來充饑是不錯的。

今日陪家人行吓買吓嘢，求其去咗VCity對面嘅美滿餐廳，坐低先發現其實都唔係好平。叫咗兩份睇落比其他餐抵少少嘅特餐，都要$42一份架。熱奶茶、熱阿華田，熱奶茶無茶香，似飲緊淡奶咁。鮮茄薯仔肉碎湯螺絲粉、鮮茄薯仔肉碎湯米線，番茄、西芹、薯仔同紅蘿蔔嘅份量算多，酸酸甜甜，食起嚟都冇咩太重味精，尚可，不過螺絲粉就煮得腍咗少少。奶油脆豬仔包配鮮奶炒蛋及豬頸肉、牛角包配鮮奶炒蛋及香煎豬扒，我係食豬頸肉嗰份，奶油脆豬仔包脆口，鮮奶炒蛋都幾滑，但豬頸肉油份好多，碟上清楚見到有一小灘油，幸好調味OK，配搭上對得起四十幾蚊呢個價錢。

原本3小時的車程，因為塞車變成4個多小時，我的腰板也坐到痛了，亦相當肚餓，回家放下行李，就到了這間小菜館試試. 其實平時都會經過這店，但一直提不起勁到來一試，直到看過食評，見評價不錯，也就這它放在waiting list內!難得這天時間尚早，只是6時左右，想必應該客人不多吧! 但原來卻是相反，想不到這段時間，店內也有7成食客，還要是所有卡座都坐滿客人，只餘下門口位或面向廚房的4人桌，我們選擇了後者.食物款式頗多，除了小菜套餐外，也有西式晚餐，甚至海鮮類都有供應，總能滿足不同口味的食客.店員推介是日小菜套餐，一個價錢已包括: 白飯、例湯及餐飲. 也奇怪地當我選擇單點小菜，同樣可加錢轉套餐，卻再說可選是日小菜套餐，也問我要否改選是日套餐，好像餐廳不喜歡客人點選不在是日小菜列內的款式似的!例湯熱度足夠，而且足料大碗，內裡有不少菜及胡蘿蔔，而且調味適中，不會過鹹，味道都不錯.漁香茄子煲 (是日小菜套餐) ($65)即叫即煮的菜式，熱辣惹味，份量亦多. 茄子都很腍亦吸滿濃濃醬汁，加上鹹香肉沫，很好下飯. 粟米斑腩 ($60) (另加$10 配餐，送例湯、白飯及餐飲)很久沒吃過粟米斑腩，難得來到小

今晚同朋友慶祝生日 壽星仔話食得普普通通就得啦喎 所以就帶佢去茶餐廳 實情我地就早左拜託左老闆幫我地買海鮮 哈哈！前菜 奶油豬！ 香脆可口 呢度個老闆話其實先係原創者 不過講真又真係內脆外軟. 到主菜啦 主要係海鮮 最好食一定係瀨尿蝦同隻三杯鴨！一定要試！老闆娘重好細心拎定哂d茶比我地洗手！小菜就無點試啦 因為食唔落了…總括黎講 值得一試！

平時屯門站附近食lunch, 來來去去唔係V-city, 就一定去呢家平民的茶餐廳,普通一個lunch碟頭飯當然冇咩好寫食評, 今次真係要特別的熱烈推介一下!!今日某人生日去食lunch, 4個人叫了3碟小菜, 本來家常小菜不值得一提, 不過真心想講呢個$100多D, 比左4粒鮑魚, 雞又滑, 蔥又香既足料鮑魚雞煲。唔好以為叫呢D會好耐, 好神奇都係一小時食完呢個lunch...下次唔一定碟頭飯, 叫小菜仲正! yummy~~~

自從去了英國念書，已經一年沒有寫過食評了，剛回來了一個禮拜，只覺得真的很熱，連在街上走幾步也會大汗淋漓。今天跟老爸久違的吃個午飯，又來選擇困難症，老毛病了，其實他一直想吃那家美滿餐廳，吃過一次覺得很不錯，上次去到門口覺得太多人就沒有去。今天剛好過了午飯時間，不用等位就馬上進去。這家標價還可以，有一年不在香港其實也不太清楚現在漲到哪個點，Anyway，叫了兩個下午茶餐，焗豬扒飯跟味菜肉絲炒麵，兩杯凍0茶，$35x2+凍飲$2x2，其實不貴，這家正正開在Vcity對面，人流不算很多，對面競爭也很激烈，但這家也常常爆滿，證明有實力。食物方面，焗豬扒飯個人來說做得比大家X的還好，汁夠多，火候控制得剛好，不會過時把飯跟汁抽乾，豬扒有一塊半，下午茶來說算是不錯了，飯也蠻多的，有炒底，整體來說非常不錯。凍0茶就普通，一般茶記水準。老爸的炒麵我沒有試，但看賣相很不錯，而且這裡的都是即叫即做，新鮮熱辣，份量就略嫌少了點。倘若在Vcity找不到吃的，不妨推薦大家試一下這家。

凍好立克我覺得這杯味道麻麻 ,最近去親茶記,好立克都是又熱又凍，好立克尚算濃，並不算太甜,整體就一般窩蛋牛肉飯而家甚少茶記有這個，這個是兒時最愛吃，這裡所整窩蛋牛肉飯幾好吃，牛肉好淋，味道幾好,個汁又不太咸香港人平時午餐地點是茶記/快餐店,作為打工仔旳我,要找一間有水準茶記不容易，茶記食文一向不受食家重視，我素來傾向愛分享茶記食文,茶記在香港佔重要位置，早前放工之後，屋企人返了大陸，冇人煮飯之下，一個人又懶得煮,我打算去諾亞買蛋糕，我先吃晚餐，我冇意之中見到美滿,平時少行Vcity附近，決定試下美滿,這裡地方夠大,環境都幾好,服務就一般,我叫了窩蛋牛肉飯，我覺得幾好吃，牛肉味道唔錯，菜心都OK,白飯幾軟熟,又不會太硬,好立克就麻麻,美滿是屯門市中心難得有水準茶記小店,下次有時間再去

一家人去左屋企附近既呢間茶餐廳食下午茶，環境方面都叫做幾乾净，坐得幾舒服。侍應既態度唔錯，幾有禮貌，野食都黎得好快。我地叫左三個下午茶餐，埋單九十幾蚊。第一個係豬排脆脆豬，豬排幾香，味道其實都唔錯既，但係咬落去有啲太硬。另外，舊包都係有少少硬，唔係太脆，好似有啲攤涼左咁，所以連埋豬排一齊食個陣就要咬好耐先食到，如果豬排可以熱番啲，有番’新鮮出爐’既感覺會更好!第二個就係腸仔蛋公仔麵，由於張相係食到一半先影既，所以睇落啲麵好似好漲咁，不過其實味道幾好，當然唔可以話係好出色既。個湯味道唔會太濃，而且份量適中，我覺得唔錯。最後就係雞翼雜果沙律，份量方面幾適中，尤其係近排好多餐廳既沙律份量都係得好少，加上唔會太飽。兩隻雞翼都煎得幾脆，不過個人認為有啲咸，但係三個餐入面我覺得呢個雞翼雜果沙律最好食。

因為朋友住瓏門,我倆都不愛吃連鎖餐廳,所以常常光顧美滿.屯門友必試大部份時間我都吃他們的咖哩飯咖哩香濃又不太辣,薯仔入味又夠嫩.但今天我朋友叫了咖哩雞扒飯我便立刻萌生試新野嘅想法我口upup話想食炒河又唔食得牛肉(因為過敏)老闆娘便立刻提意幫我把XO醬乾炒牛河轉為XO醬乾炒豬頸肉河意想不到的好味淡淡的XO香味，少油夠晒乾身勁正!!凍檬茶,茶走,啡走,央走都好香好正指定老闆冲仲正😝

好開心自從屯門無左彩玉之後多返間美滿,開業至今雖然只係無耐,但已幫襯勁多次,由冇乜人知道li間餐廳到依家夜晚長期爆滿,就知佢有幾好食第一次去係食佢常餐配牛角包,同行友人則點常餐配脆豬,極讚脆豬超掂,試過一啖番尋味,係食過最鬆脆脆豬,一般脆豬雖脆,但皮都會有尐硬,有時真係覺得食到有尐攰,點知li個完全唔硬皮,但當然亦唔係軟林林架啦,一咬落去好容易咬開,鬆脆程度拍得上阿信屋一度熱賣個隻忌廉湯脆波。飲品方面,奶茶不過不失,不過勝在夠大杯,一點不吝嗇,後來再試咖啡,原來熱咖啡係即麿,咖啡味香濃不帶酸,非一般沖泡可媲美 晚餐試過小菜及碟頭飯,佢ge粟米肉粒飯又係激掂,好有以前舊式茶餐廳整出黎ge風味,汁味唔會過濃,肉粒又唔會細細粒冇咬口,粟米亦唔兜到爆哂,真係另一好推介,仲有窩蛋牛肉飯,本來想唔食哂,但最後忍唔住食哂....好耐冇係到咁好食GE窩飛牛肉飯,佢唔會有多餘GE青豆,味道好已一切足夠了吧?至於環境方面, 暫時佢都仲算係新開, 所以地方都非常整潔, 裝修亦唔係行華麗風, 不過OK啦...依家D茶餐廳整到靚一靚又點, D野唔好食都冇用啦

新工作前的假期跟大人逛一田後開始口乾乾,V-City裡的餐廳大人總不感興趣,看到對面馬路原來開了兩家茶記,較近交通燈的一家燒腊茶餐廳客似雲來,稍遠的美滿餐廳似乎少人一點,以我們的習慣便選了美滿。典型新穎茶記裝潢,新開業的環境傢具也很簇新,不過連員工也同樣新手,一切運作如未上軌道,客人入座一段時間也沒有人理會,那讓我們慢慢看菜單也不錯。結果到咱們點菜後,侍應才送來熱水及餐具,後知後覺也比知而不覺為佳,如能做到先知先覺則更好。自己的魚柳豬仔包($25)以為是牛油豬+魚柳,原來就是魚柳包,面層有粉的硬豬包烘得香脆,咔嚓咔嚓的聲音清脆,做成奶油豬也一定很好吃;炸得深色的脆脆魚柳魚肉雪白,外層如吉豬般酥脆,蕃茄及生菜絲增添清爽,還有魚柳包好朋友沙律醬之助,這個魚柳包也合符水準。+$3的凍檸茶茶色夠深,可是卻沒有如顏色般濃的紅茶味,酸酸的檸檬味解渴最好。下午茶有魚湯粉麵,在多款配料中,大人選了膽固醇萬歲的豬肝粉腸配米線($32),結果送來一碗像豬肝湯多於魚湯的東西,這碗魚湯下了蠻多薑絲令湯底很夠薑味,有驅寒作用;可是碗夠大湯也多但米線只有少少,以下午茶來算連湯飲光也會飽肚,印象中有貴幾元的正常魚湯