Video
Read full review
2016-10-15
1471 views
趁住哩幾日有特價，梗係要嚟食下好嘢~一向都覺得pizzaexpress啲嘢食唔錯，但唔同分店水準有多少分別，食過幾間暫時覺得太古城哩間食物質素同服務最好。牛油果藜麥沙律 - 有藜麥、牛油果、烤南瓜、車厘茄、紅莓乾、 新鮮百里香、蕃茜、檸檬油；牛油果係至愛，好fresh; 藜麥混入檸檬油，酸酸咸咸咁好醒胃~軟心芝士焗龍葵菇 - 有帕爾馬火腿、Tomino軟芝士、同火箭菜；芝士厚厚軟滑味唔濃食完唔會滯口；薄薄嘅火腿算係吊吊味；火箭菜沾上黑醋汁fresh得嚟好有咬口；主角龍葵菇焗完仲保持濕潤，必食頭盤~松露菌薄餅 - 有野菌、松露菌油、迷迭香、蒜蓉；比起頭盤沙律個薄餅就普普通通，松露香味未夠特出，薄餅本身可以焗香脆一啲就更好蟹肉白酒汁意粉 - 有蟹肉、蒜蓉、蕃茜、辣椒、白酒、檸檬油、檸檬角；蟹肉算多而且好鮮味；調味偏濃好夠酒味啱我胃口；灑埋檸檬汁落成個意粉味道好豐富，好食！焗野莓金寶 - 有野莓果醬、士多啤梨、藍莓、牛油脆粒、雲呢拿雪糕；冰火酸甜香口共冶一爐；唔好甜都要食多兩羹~後記：多姿多彩嘅一餐，服務員勤力換碟收碟添水，亦會問下客人覺得啲食物得唔得，俾人感覺係關心食物水準人客感受(真心假
一向都覺得pizzaexpress啲嘢食唔錯，但唔同分店水準有多少分別，食過幾間暫時覺得太古城哩間食物質素同服務最好。
牛油果藜麥沙律 - 有藜麥、牛油果、烤南瓜、車厘茄、紅莓乾、 新鮮百里香、蕃茜、檸檬油；牛油果係至愛，好fresh; 藜麥混入檸檬油，酸酸咸咸咁好醒胃~
軟心芝士焗龍葵菇 - 有帕爾馬火腿、Tomino軟芝士、同火箭菜；芝士厚厚軟滑味唔濃食完唔會滯口；薄薄嘅火腿算係吊吊味；火箭菜沾上黑醋汁fresh得嚟好有咬口；主角龍葵菇焗完仲保持濕潤，必食頭盤~
松露菌薄餅 - 有野菌、松露菌油、迷迭香、蒜蓉；比起頭盤沙律個薄餅就普普通通，松露香味未夠特出，薄餅本身可以焗香脆一啲就更好
蟹肉白酒汁意粉 - 有蟹肉、蒜蓉、蕃茜、辣椒、白酒、檸檬油、檸檬角；蟹肉算多而且好鮮味；調味偏濃好夠酒味啱我胃口；灑埋檸檬汁落成個意粉味道好豐富，好食！
焗野莓金寶 - 有野莓果醬、士多啤梨、藍莓、牛油脆粒、雲呢拿雪糕；冰火酸甜香口共冶一爐；唔好甜都要食多兩羹~後記：多姿多彩嘅一餐，服務員勤力換碟收碟添水，亦會問下客人覺得啲食物得唔得，俾人感覺係關心食物水準人客感受(真心假意都冇所謂喇) ，讚！
Post
