喜來稀肉 (Closed)

作為食人，當然唔想錯過美食節，今日請左半日假去潮聖。行完幾個鐘，業腳好似唔係自己咁，我地要響附近舒服啲既地方揾野食。 喜來烤肉 $130 本menu上係有手指公標誌的，係性價比較高既牛肉佢，切得好夠薄，食落唔up,仲有啲牛味夠香。有啲搞笑係，每次以為自己夾緊一片，但每次放落爐都係分到3到4片，食極都唔完！ 調味醬酒雞肉 $110 我唔食豬，所以點了牛之後就係雞，這雞勁入味，夠咸得嚟又唔會過份，不太强酒味，全塊大雞件，燒完先剪就唔會有咁多燒焦既位。 生牛肉拌飯$98 生牛肉份量唔多，微微牛香,有咬口. 但配料十足, 蘿蔔絲夠幼唔會好硬, 影響冧冧既牛肉同飯, 荳芽就在冧同爽之間.加埋啲辣醬同生雞蛋, 增添不少味感. 藍色檸檬水 $35 飲品選擇很多，酒精同非酒精類都各有十幾款，我就選左Somerby Apple Cider, 朋友選左藍色檸檬水，係似Lemonade既汽水但就藍色，應該為左靚，飲落開心啲！ 依間稀來喜肉比之前食嗰間寬敞很多, 感覺在森林與石屎森林内燒烤, 感覺不錯,又夠服務員,招呼都箅周到, 下次可以試下佢地既lunch先!