INN - I’m Not Nothing (裕民坊YM²)

Open Now

Now Closed

觀塘新落成嘅裕民坊，已經開咗唔少食肆，當中有包括咗喺元朗、荔枝角同九龍灣都有分店嘅INN - I’m Not Nothing. 觀塘店有室內同室外嘅部份，室外其實都係喺商場入面，只係無牆/玻璃間開。空外座位雖然相對開揚，但裝飾非常之優雅，絕對係打卡嘅好位置。不過喜歡食嘢多啲嘅我，又覺得室內室外都ok，所以都係講返嘢食先。油浸挪威三文魚柳、鮮蠔忌廉汁保持住三文魚嘅嫩滑 ，唔似煎咁好易令魚肉煮得過耐而粗糙。而鮮蠔忌廉汁亦相當驚喜，蠔嘅鮮味，混合喺忌廉汁，同三文魚配合得天衣無縫。紅酒燴牛面頰意大利飯除咗傳統咁用燉嘅方式，慢煮亦係近年好常見兄烹煮方法。慢煮可以輕鬆咁將牛面頰肉煮得腍身入味。醬汁同意大利飯更係依道菜式嘅靈魂，醬汁令牛面頰肉肉味提升，非常好味。熱情果薄荷梳打酸甜冰爽嘅熱情果薄荷梳打、雖然話夏天飲依個更加合適，但都係一款唔錯嘅飲料。派對白桃烏龍茶一開始已經香氣撲鼻，但再泡耐少少先飲，白桃同茶味會更出更好飲。