奏海鮮火鍋 (Closed)

係尖沙咀搵野食又要傾到計，同埋坐舒服，當然食物又要有番咁上下質素，朋友話呢間ok,就即管試下，上到去環境很寬敞，店只亦非常親切。我地叫左湯底，可以先飲左個靚湯先，然後先加上湯都火鍋，叫左個蟲草花燉嚮螺雞湯，個湯非常足料，仲加有最愛既龍眼肉，淮山 豬骨肉等電，所以個湯好夠味，夠晒清甜，又夠晒鮮味，正之後的火鍋配料就更加唔講得笑，先黎個黑松露帶子餃，餃內有鮮香黑松露，配有爽口鮮甜既帶子，非常清甜爽口，呢個係推介食物之一。之後再黎個主打本地手切黃牛，牛肉件件肥瘦色澤及切出黎既size都好均勻，食落爽滑而且唔肥膩，甘香美味，同埋另一款係日本黑豚肉，亦都香嫩滑甘香，最重係食到冇雪藏味，正宗係牛有牛味 豬有豬味。再要特別推介，呢個真係必食之選，自家即炸響鈴卷 ，呢款係小食，並非一般火鍋果隻 雪到硬晒， 要碌番熱黎食，呢隻係新鮮炸出黎，上台時仲熱熱地，只要咬一口，就知咩叫新鮮，炸到香噴噴，入口鬆化晒，非常非常之美味，就算不用點醬料都已經好好味，正到不得了這家店以新鮮，鮮制為主，所以所有到既食物都非常新鮮，即叫即劏即整，田雞都不例外，上到台仍有微郁動，好新鮮，所以好清甜爽口，正正正