麵屋一平安 (Closed)

行街行到攰攰地，係美麗華見到麵屋一平安，記得之前尖東食過幾唔錯又抵食，所以就黎食多次啦。入到去店員都好友善，上菜速度都好快。鹽燒油甘魚顎$88魚顎鹽燒後再加上醬汁，皮燒得酥脆，仍可以保持魚肉多汁嫩滑，而且魚顎都大，肉都唔算少，同朋友分享都夠哂。平安沙律$70沙律似凱撒沙律咁，有蕃茄仔、生菜芝士粉等，配上甜甜柚子醋，更別有一番風味，酸酸甜甜好開胃，另外有烤五花肉，肥瘦均勻，油香滿滿，令到沙律口感更豐富。特製醬油豚骨拉麵$95豬骨湯底夠濃厚，拉麵偏向幼身，軟硬適中，夠哂彈牙索汁，配料除左肥瘦適中的叉燒同入味溏心蛋外，更特別有豚角同鵪鶉蛋，豚角炆得好入味，而且口感軟淋，容易咬開，唔會鞋口。鐵板豆腐$58豆腐烤到外脆內軟，保持嫩滑，配埋木魚絲同蒜蓉，食落更添風味。蠔鍋$99新鮮蠔有成6粒超級多！好抵食，又夠新鮮，同豆腐娃娃菜等配料一齊煲，令到配菜都好鮮甜美味，夠哂滿足。📌麵屋一平安地址：尖沙咀彌敦道132號美麗華廣場1期2樓203號鋪評語食物食價比高店員友善🐵推介🍌🍌🍌🍌🍌（5🍌為滿分）