御名園 (Closed)

最近去開將軍澳蒲，發現越來越多餐廳。行行下發現到呢間中菜，見到就算閒日晚上都有人幫襯，我就概係即刻同屋企人入嚟試下睇下正唔正喇。中菜酒樓乜餸都有，我仲見到佢哋午市有點心放題，真係好吸引喎，下次一定要過嚟試下。藜麥花膠皇燒翅（$188）- 唔洗兩舊水就有兩両翅湯，除咗湯底好鮮甜外，仲有好多厚身嘅花膠，同加埋藜麥增加口感，好突别好有新鮮感，幾掋食。澳洲龍蝦（$338）- 我哋揀咗薑蔥焗龍蝦，呢個價錢有一斤四両，幾大隻，2個人食啱啱好。個龍蝦啖啖用，仲好彈牙多汁，用薑蔥焗令龍蝦嘅鮮味更突岀，好惹味，餸白飯一流，必定要食！