瀛鮮 (馬蹄徑) (Closed)

買咗「蒲燒鰻魚飯」$45 ，諗住平平哋，都唔要求好高質素/預咗份量會少啲。係等外賣期間，透過大玻璃見到廚房入邊係咁放啲飯同鰻魚落外賣碗，再放入微波爐叮。心諗果然係平價鰻魚飯，$45就算啦，最多下次唔叫。但係叮完出嚟，店員竟然用手指篤舊鰻魚睇吓夠唔夠林，篤咗兩下又放返入微波爐叮。雖然有帶住手套，但係你隻手套我都唔知你戴住嚟掂過啲咩，起碼都拎隻筷子黎試啦？？？？叮俾自己食都唔會咁做啦？？？？？？其實要做平價外賣店，如果係諗住比較敷衍咁整嘢食，係冇問題嘅，但係做咩要整個玻璃俾啲客見到你點整呢？呢碗鰻魚飯真係完全食唔落，所以真係唔知好唔好食。唯一稱讚嘅係，收銀店員好好禮貌。