幸圓

Open Now

Now Closed

我最鍾意就係食日本魚生，但係最近疫情持續都冇得去日本旅行，朋友介紹北角附近有間食日本菜嘅餐廳。中午就朋友去試咗佢嘅幸圓極上魚生丼，魚生丼上面鋪滿了飛魚子、北寄貝、油甘魚、 甜蝦同八爪魚。 魚生嘅質素好好，北寄貝、八爪魚都好有口感，好彈牙。我就食海膽三文魚親子丼，親子丼裏面裝咗雪白的米飯 ，上邊鋪滿肥美嘅三文魚、三文魚魚籽 ，海膽 ，紫菜，生薑。 海膽好甜美，三文魚好新鮮，魚籽一粒粒食落脆卜卜， 配合埋帶海水味嘅海膽，同魚生飯一起吃，感覺一流。沒甜品點算完美嘅一餐？ 最後我哋要咗一個士多啤梨芝士奶蓋牛角包窩夫作為飯後甜品 。窩夫賣相精美 ，黑色嘅平碟上邊裝咗一個脆卜卜嘅窩夫 ，窩夫上邊淋咗 cream，cream上邊係一片片嘅士多啤梨，同埋一朵紫色嘅花用嚟裝飾 。另外配埋一個粉紅色嘅士多啤梨味雪葩，裝在小碗裏非常別緻。食完呢個魚生飯同埋甜品之後，感到好滿足，就當去咗日本旅行啦。