蘇媽.蘇媽馬來西亞美食店 (Closed)

老公今日生日放早，可以食蘇媽，唔洗排隊，仲有下午茶餐食，真係有生日驚喜。椰香咖央多士多士焊得透，咖央醬份量剛好，又不太甜，不錯！話知你啦薄餅配咖喱個名特別，又有驚喜。薄餅即叫即整，不太厚皮，又熱騰騰，咖哩有椰香，少辣，好好味！ 喇沙米缐有青瓜、菠蘿、洋蔥、生菜和粉，唔夠味道，好淡。肉骨茶任添，夠熱，好濃藥材味。我食呢個三層肉，肉質軟冧，又入味，一定要再黎食過！咖啡不太甜，香濃的咖啡，又有奶香，夠滑！