名苑酒家

Open Now

Now Closed

又到左難得既星期日，慣左起早床既我繼續陪阿爺去飲早茶。阿爺係銅鑼灣飲早茶呢個集慣我諗都超過三四十年，風雨不改下由利舞臺既敍福樓、鵝頸橋底既歡樂小菜館到珠城既東湖丫鳳城丫都已經關門大吉，所以近呢兩三年開始主要去呢間名苑飲茶躉腳傳統老人家早茶最重要係一杯濃普洱，所以早茶既主角一定係呢杯茶，呢方面名苑都可以算得上合格既，八點開舖既至起碼水滾茶靚，能夠係佔最重要既一環保持穩定已經係選擇早茶時加左唔少分數。至於屬於配角既點心就中規中距啦，當中既手剁牛肉球同炸兩算係比較突出，牛肉球熱辣辣大大粒新鮮唔腥，炸兩內脆外軟，加少少蜜糖既甜味，一個人可以食晒成條。