牛気 (希慎廣場)

Open Now

Now Closed

見到呢間店買廣告，就立即想同朋友試下。去到門面拎位就要選訂食邊個套餐放題，我地選左極上澳洲和牛+海鮮放題。因為我地唔想限時，選擇呢個係唔限時囉。入到店內，展示食材地方好清潔，好光猛，食材好新鮮整齊，仲有2大個冷櫃，放左好多汽水，果汁，茶類的飲品，唔少得就緊係有啤酒啦！帶位員比左卡位我地坐，好近食物架，一流位罝又唔會太出又唔會太入。之後，就送上我地選擇左限定的湯底，七龍珠啦（有骨膠原架），服務員話係早上煲好湯底，放係個模到雪到佢一個波咁，就做到七龍珠，最好笑就係當放低個煲的時候，服務員好細心叫我地影相，如果唔係開左爐之後，七龍珠會溶晒變成骨膠原湯底。跟餐先黎一碟好靚的和牛，腩肉加雞肉，仲有海鮮併盤，有蠔海蝦青口翡翠螺等海鮮，加埋三文魚刺身。見到佢地已經急不及待要食啦！當然有添食牛，蠔，蝦，三文魚刺身啦！中途又食下雪糕添，哈哈，食完又再滾過，放心肚仔無炸型。慢慢坐慢慢食真係舒服，服務員又好好講解湯底點做，一個晚飯就食上3個小時，好滿足！最後讚好餐廳仲有Movenpick雪糕送贈，好唔客氣咁食晒lu。呢一餐真係好滿足呀！正呀！