Video
Read full review
2016-07-03
363 views
熟我阿P的人都知我係一個牛魔王加邊爐怪，而識阿J的亦清楚她的口味很喜歡健康清淡同原味。但試問麻甩打邊爐又點會清淡？就係因為呢㸃，搞到阿J好多時都唔多願join我的邊爐局。今日PJ 到九龍塘探望友人新居入伙，順道到九龍城的厚福館開餐，我心唸今次發達la，去厚福館即係可以食佢地d靚靚本地牛加正爆湯底，點知朋友話佢呢排熱氣生"痱滋"，加上聽聞厚福館的蒸氣火鍋都唔錯，話不如今晚唔好烚下烚下，試下蒸的好唔好？我都未來得反應，阿J已經一口答:好！既然係咁，今晚一於試吓令阿J可以食得到清淡原味的蒸氣火鍋喇。睇門面有咁多靚靚魚缸，就知道厚福館都好主打海鮮吓，而這個四人份量的蒸氣火鍋套餐(每人$360)超過一半都係海鮮。這個套餐最震撼的地方是每位都有一隻生蠔及馬糞海膽，生蠔頗大隻，味亦鮮。海膽份量頗多，雖不算是頂級鮮味但都非常新鮮，味道絕不比刺身專門店遜色。到清蒸系列，包括時令蜆、大扇貝、海中蝦、鮑魚以及深海琵琶蝦。海鮮只要夠新鮮，清蒸就最鮮甜，這個蜆，嫩同鮮，講完。至於蝦，海中蝦夠哂彈牙大隻，頭內的蝦膏亦多。琵琶蝦肉嫩，但我還是較喜歡龍蝦的啖啖肉。大扇貝夠哂厚肉大隻，特別一讚清蒸的時間剛好，令到帶子鮮
睇門面有咁多靚靚魚缸，就知道厚福館都好主打海鮮吓，而這個四人份量的蒸氣火鍋套餐(每人$360)超過一半都係海鮮。
$360
15 views
0 likes
0 comments
4 views
0 likes
0 comments
至於蝦，海中蝦夠哂彈牙大隻，頭內的蝦膏亦多。琵琶蝦肉嫩，但我還是較喜歡龍蝦的啖啖肉。
大扇貝夠哂厚肉大隻，特別一讚清蒸的時間剛好，令到帶子鮮甜的肉汗仍留在殼內，阿J 點頭示好。
至於新鮮鮑魚，清蒸令原本的鮑魚味更能突出，肉質彈牙得來不會太韌。
一口氣食了咁多海鮮，係時候食返啲紅肉同白肉喇。榨菜滑牛的牛肉夠牛味，有嚼頭，不愧係厚福館，加埋鹹鹹地嘅榨菜一齊食，配碗白飯就正喇。
到雲耳蒸雞，原汁原味的雞汁同雞油加埋雲耳，我終於忍唔住叫個白飯會佢，阿J點頭贊成。
食過蒸氣海鮮鍋的，都一定知道，最正的一定係食到最後鍋底裏面那些精華肉汁，這裡可㨂用來泡飯或泡銀針粉，我們當然選了坊間較少用的後者。啖啖精華配以滑口的銀針粉，店員還特意為湯底加上蛋花，令這餐原汁原味的蒸氣鍋晚餐錦上添花。
5 views
0 likes
0 comments
Post
