一品南記

Open Now

Now Closed

已經有一段時間冇食港式粥品，原來一品南記翻新左，新淨又好坐，小朋友又鍾意食雲吞麵，一於就去食靚粥麵腸粉。🥰坐底點左招牌細蓉幼麵、瘦肉艇仔粥、炸兩、齋腸粉，飲品有黑糖薑母茶及杞子銀菊蜜。😍招牌細蓉幼麵湯底鮮甜，好有傳統廣東麵嘅湯味，麵雖幼小但超彈牙，而主角雲吞大大粒，咬落去鮮蝦味濃。😋瘦肉艇仔粥好綿，用長時間煲特別滑，所有艇仔料都齊晒如花生、魷魚、肉碎、豬皮等等，加上新鮮瘦肉絲，令人再三回味。😋炸兩內脆外軟，油炸鬼炸得香，腸粉拉得夠薄又軟，點甜醬、麻醬、甜醬油、芝麻食有多重口感。😋齋腸粉同樣薄且滑，大家記得落甜醬油食。😋黑糖薑母茶及杞子銀菊蜜，一杯暧胃一杯清熱，夠健康。😋