一品南記

Open Now

Now Closed

河畔老店不多，南記係其中一間，殘舊嘅裝修再加一點油膱味，係傳統粥店的味道。21年變裝成一品南記，由粥舖變咗粥麵舖後一直未有幫襯過。上個月偶然去食咗一碗雲吞麵，發覺原來好有水準！今日專誠過嚟再食一次。中午時間人比較多，搭枱係意料中事，因為上次見到隔籬枱碗粥好似好正，選擇困難症又發作⋯⋯最後嗌咗一碟炸醬雲吞撈麵。撈麵嚟到有啲失望，點解雲吞放喺麵上邊而唔係放喺湯裏便，炸醬味道唔係特別差不過賣相唔靚，而且啲肉好似溶溶爛爛咁，對比上次嗰餐，今餐感覺唔合格。是日消費：炸醬雲吞撈麵$61(雲吞+$12) 凍檸茶$12共$73

想當年還在孩童年代媽媽都會帶我到家附近的粥品店吃碗粥跟腸粉，直到搬離舊居長大成人後也不時會回去緬懷一番；最近幾年，昔日的舊式粥品店已易手換上新裝繼續營業，而我還是不時回來同一地點吃粥品生滾豬潤粥 $38牛肉腸粉 $24幾乎每次到粥品店都是點生滾豬膶粥及牛肉腸來吃，生滾豬膶粥粥底綿密，加入豬膶一起烹煮，不用加入胡椒粉等調味就已經夠好吃；豬潤切得厚厚的，剛好熟透的樣子爽脆可口，沒有加入味精或太重梳打粉令口感變得怪怪的這點要加分！雖說是生滾粥不過由下單到上菜也不用等多久～ 牛肉腸粉堪稱是最愛的腸粉搭配之一，這邊的腸粉軟滑帶有淡淡米香，滿滿的牛肉餡再配豉油味道不錯，加上腸粉的厚度中等，跟牛肉餡的比例近乎1:1，如果牛肉餡可以多點調味感覺更好吃！店家前身是一間經營超過三十年的粥品店，數年前易手後將鋪面粉舖一番，由以往甚有舊香港風味的老舊瓷磚、木摺檯跟圓木鐵腳櫈搖身一變成了明亮光猛整潔、木系柔和用色的裝潢！千萬不要期望座位會變得寬闊，反正在這裡用餐的都是填飽肚子就會離開，不會太講究；反而好像因為重新粉飾及粥品店賣少見少的關係這裡經常座無虛席！還有一個小彩蛋是，這邊在二十幾三十年前有不少劇集、電影跟

如可以做間平民粥店就好，因為以前間好平民，沙角邨現時就有間好平民嘅粥店，呢間嘢好似海皇粥店咁既價單，但係質素仲差不多（唔識分），因為這區沒有其他選擇了，所以經常被逼食佢。叫外賣一個粥一個腸粉$50，勉強可以， 如業主可減租一半更好，市道唔好，唔好做死d餐廳， 呢區大把空置。而且粥店根本不需要裝修只需要（便）！！！，粥底，及人情味！公司員工在店做腸粉，佢個粉皮開得幾好軟硬適中，又唔會太薄，個人比較喜歡這種腸粉：因為以前大埔區有間好出名嘅，雖然好食但係因為個皮太薄，食完都唔飽肚，可能要一個男人食5條先夠喉。BTW, 服務員很斯文，有為老闆着想，主動要求客人跟餐不要淨叫粥品，態度非常有善。

細細個食到大，出面有得泊車，最近裝修過，招呼好左，環境衛生左，正宗傳統有水準，少貴但可接受。早餐有優惠，我揀左碎牛粥+蝦米腸，40大元，早餐價錢OK，如果唔係早市就真係稍貴。早餐有唔同既粥仲可以揀炒麵，咸肉糉，都算多選擇。碎牛粥個粥底就好綿好有米香，牛肉份量適中，我個人覺得好食過連鎖店既，自己屋企都煲唔出咁靚既粥底。蝦米腸就正正常常啦，佢平時都有即拉腸粉炸兩，唔係工場貨整定。而家佢仲有賣埋飯同麵，多過以前好多選擇

喺沙田想食碗又綿又多料嘅粥 唔係四圍都有河畔花園呢間係我食過覺得最足料嘅一間店舖雖小，但坐得舒適比連鎖經營製作的更用心價錢唔貴，下午茶時段仲跟餐飲✨一品艇皇粥艇仔粥食得多，呢碗真係艇中之王勁大碗又多料(鮮蝦．鯇魚片． 魷魚．白魚蛋．魚肚．墨魚丸．炸魚皮 同生菜絲）食完已經好滿足✨招牌細蓉湯麵雲吞皮夠薄，裡面鮮蝦爽口揀咗幼麵，配埋個湯底一齊食好正加多碟油菜沾少少蠔油簡單．健康又好味嘅一餐以後想食粥又多個選擇喇

好掛住粥品炸兩，係時候去【一品南記】品嚐中式早餐美食，今次選了皮旦瘦肉粥、齋腸、炸兩、招牌細蓉、枸子銀菊蜜和蜂蜜柚子茶。🥰✨皮旦瘦肉粥簡單而美味，粥的質地非常綿密，瘦肉則極為嫩滑，非常適合作為早餐，又暖胃😋✨炸兩傳統的港式腸粉點心，齋腸包住油炸鬼，加上甜醬、蔴醬、豉油，非常美味😋✨齋腸又軟又滑，同樣配甜醬、蔴醬、豉油，美味可口😋✨招牌細蓉即雲吞麵，新鮮的蝦肉和豬肉雲吞夠哂鮮味，麵條又彈牙😋✨枸子銀菊蜜枸子銀菊蜜清熱明目，非常滋潤✨蜂蜜柚子茶使用柚子和蜂蜜製成，味道酸甜可口，清涼解渴簡單輕盈的早餐，又再重拾兒時的味道。🥰

一間主打麵和粥的餐廳，裝修有別於平常的店舖，主要是比較新式一點，而且人氣十足，不斷有人到店買外賣或堂吃！另外價錢也不算太貴，應該就是主打街坊生意了，但食物還是非常有質素的！狀元及第粥（４２元）這個差不多可以當作是豬雜粥吧，因為都有新鮮豬潤，豬肚，粉腸和豬肉丸的，粥底非常綿滑，淡淡的粥香，又加了蔥花和薑絲去腥，吃起來味道鮮甜！食材都非常新鮮，完全沒有異味，豬潤嫩，豬肚彈牙，粉腸滑，豬肉丸多汁！招牌細蓉（３５元）細蓉一共有五粒鮮蝦雲吞，每粒都有兩粒蝦仁加上豬肉，吃起來非常爽滑，蝦味濃郁，帶點豬肉香！湯底肯定少不了是大地魚湯，非常清甜，帶點麻油香！麵就肯定選幼麵，吃起來爽滑！炸兩（２２元）中間的油炸鬼仍然非常酥脆，內裡軟軟的，外皮滑嫩，配上醬油，紅醬和花生醬，吃起來味道會更豐富！

今晚城門河上練龍，活動前約咗隊友食個靚粥，嘆個腸粉，仲有雲吞麵。位於河畔花園交通城附近的《一品南記》是我們常常光顧嘅粥品店。店內地方企理乾淨，擺設歸一，部份是泊牆座位，仲有幾張小圓枱。跟餐都抵食，一個粥一個腸粉⋯⋯艇仔碎牛粥配炸両~足料艇仔有水魷魚、豬皮、花生等等，碎牛是地道粥舖好受歡迎配料之一。炸両軟滑腸粉捲着香脆油炸鬼，沾滿甜醬麻醬美味無比。芥菜蝦滑肉丸粥配豉油皇炒麵~生滾粥是這店招牌食品，即叫即滾，粥底夠綿，肉丸彈牙，加入蝦肉更滋味，配合芥菜，食粥食埋菜，好健康。下午茶餐雲吞麵可以配飲品~雲吞皮薄餡靚，麵底夠爽。凍奶茶~ 呢個調教得唔錯；豆漿~採用本地製造支裝豆漿，方便衞生，飲唔曬可以拎走。

通常粥麵舖比人感覺是沒有裝修舊派一點，但今日來這間粥舖裝修光猛簡單潔淨。這裡粥品和麵類款式有很多選擇，碎牛粥、艇仔粥、皮蛋瘦肉粥，生滾粥也是很多選擇，及第粥、豬肚粥、豬膶粥、粉腸粥等。而麵食有雲吞水餃、豬手、牛腩、鯪魚球等，如果有選擇困難症真的不知道怎樣選擇！哈哈但我和朋友今日目標很清晰，就是過來吃粥品，點了碎牛艇仔粥 配 炒麵，下午茶套餐很抵吃，粥底很棉滑有米香，材料很豐富魷魚豬皮碎牛肉等還有非常鬆脆花生放在粥面，炒麵熱辣辣炒得夠乾身加埋芝麻很搭配。皮旦瘦肉粥 配 炸兩，皮旦和瘦肉份量很足料，平時在其他地方吃皮蛋瘦肉粥內的皮蛋是碎碎的，但這裡大大隻皮旦很滿足。炸兩腸粉皮晶瑩禿頭，奶白色很幼滑而油炸鬼很鬆脆，配上甜醬、麻醬、辣醬和芝麻真的是絕配。朋友還未夠喉再加多碗芥菜豬潤粥，超大碗熱辣辣香噴噴豬潤很厚身又大塊，而芥菜是切碎和打成蓉的令吃每一啖粥的時候都特別香甜美味。

近排天氣熱，沒什麼胃口，所以入了間粥鋪。這裡地方雖然不太大，但座位整潔，不會覺得有壓迫感。粥有多款選擇，亦有粉麵和其他小食。油器放在熱櫃內，令油器能保持脆口，相當貼心。我點了-鮮鯇魚腩粥大大件的魚腩鮮嫩，粥底很綿滑。-柱候牛腩河粉河粉是我鍾意的幼條粉，比較嫩滑，有牛腩和牛筋各半，十分腍軟。-淨招牌雲吞有8粒雲吞，粒粒鮮蝦餡料很爽-蔥花蝦米炸兩自已另外加麻醬，甜醬及甜豉油混合一起食，味道一流。-炸脆鯪魚球（4）外層是脆米，炸得鬆脆，還附有蜆芥醬汁，十分夾。

酷熱天氣下，食欲極度下降，到「一品南記」吃湯麵晚餐。三款開心又開胃小食：脆炸鯪魚球是我的至愛，在南記用餐是必吃，爽彈、外脆肉鮮，蘸蜆芥吃，非常完美！炸魚角也是爽彈、外脆肉鮮，但選材與烹調略有不同，成品風味及口感就顯得各有特色。與時並進的炸兩，柔滑的腸粉多添白芝麻與麻醬，相對我童年祇有豉油及豬油，更香滑！大大隻的鮮蝦鳳城水餃，好味道又吃得飽，雲吞湯底味道鮮美。牛腩麵，麵質爽口彈牙是受歡迎的地道口味，牛腩軟稔，湯底清香味濃。除了堂食還外賣兩隻糭和炸醬麵，糭子有鹹蛋黃與半肥瘦豬，簡單就是好，很滿足！有急凍方便餸又有特價，可以一試！

最近係沙田食左一間非常特別的粥店‼️令我對傳統嘅粥店有全新嘅認識寬敞明亮的空間與簡約時尚的裝潢相得益彰，讓人感到舒適我特別點了呢度嘅招牌菜「一品艇王粥」裡面有蝦、鯇魚片、魷魚、魚肚、魚蛋和墨魚丸，材料都非常豐富粥底夠綿滑而家天氣咁酷熱，真係會令人無哂胃口，飲碗粥都係唔錯嘅選擇❤️🍜碗雲吞麵都好有質素麵條彈牙有嚼勁，雲吞餡全部都係蝦，爽口有口感‼️脆炸鯪魚球最欣賞係炸得好乾身，鯪魚膠打得好有勁度口感實在並帶有彈性見到隔離檯食嘅腸粉都好吸引，皮薄通透下次一定要再嚟試下！

炎炎夏日唔想食飯 所以今晚黎沙田圍站既一品南記食下粥粥品選擇好多 應有盡有 我地揀左兩碗生滾粥 狀元及第粥同北菇滑雞粥 兩碗生滾粥都超大碗 狀元及第粥有豬潤 豬肚 粉腸同豬肉丸 好足料 粥超綿 豬潤豬肚都爽口 粉腸唔會有異味 清潔得好乾淨 北菇滑雞粥 冬菇同雞件份量好多 煲出黎既粥特別甜 食粥一定要配埋炸兩同炒麵 炸兩大大碟都係$22 勁抵食 炸兩腸粉皮夠薄 油炸鬼脆卜卜我地另加左一碗鮮蝦鳳城水餃 一碗有6隻 大大隻 雲吞皮 鮮蝦餡爽脆 仲有木耳最後仲有一碟菜心都係$20 平民價

一品南記裝修左之後都叫過幾次外賣，今日難得唔算太多人，就同屋企人一齊落嚟食。野食水準keep到，係加左少少價，不過都仍然好合理👍🏼。🥢雲吞撈麵 $45雲吞最怕食大大粒，其實一口雲吞係最正最好食，因為一口咬落皮薄蝦鮮味道好，重點精華係個碗另上既湯，濃香大地魚香味。。🥢淨水餃 $42淨水餃🥟大大粒，嫩滑彈牙既餡之中加入彈力嫩滑的黑木耳，同時加入少量爽口的荀絲，令咀嚼時更有層次！好得👍🏼。🥢芥菜蝦膠豬肉丸粥 $40配蔥花蝦米腸粉 $12粥🥣好唔錯，生滾粥夠晒足料！我超鍾意食芥菜，呢個芥菜超多！成碗都好濃既芥菜味😋仲有自製蝦膠豬肉丸，彈牙又爽，好好食。叫呢款粥仲有得優惠價加配蔥花蝦米腸粉。。🥢脆炸鯪魚球 $35即叫即炸，炸得金黃香脆，必食！。裝修完水準keep到🙏🏻👍🏼

我系買外賣.其中入面有炸両，拎走之前就話想要花生醬.佢就好唔耐煩咁打開比我加，但系加之前我見佢拆開個袋，將啲花生醬醬料包全部掉返上去個架上面，即系本身有比.佢講聲咪得囉，佢叫外賣單號碼果時，我真系吾知邊度睇號碼.佢就沖出嚟搶咗我張飛。啲態度超黑人憎囉。