源記甜品專家 (Closed)

每次經過都好想試下呢間既傳統中式糖水，不過次次都食到勁飽。今日中午唔太肚餓，所以決定去試下佢既甜品😎店內裝修好懷舊，完全睇得出佢既歷史悠久。甜品種類唔算多，大部分都係中式傳統甜品。曾經有朋友同我講芝麻糊算係糖水之中比較考技術既產品，要整得好食一啲都唔容易，所以我決定一試😉大部分糖水都可以加蓮子/雞蛋🥚，我就揀左最basic既芝麻糊。佢既芝麻糊超級超級滑，近乎完全feel唔到芝麻，真心第一次食到咁滑既芝麻糊。不過個人鍾意有少少渣，口感會豐富啲。下次想試埋合桃糊🙌🏼