日喜樓 (Closed)

今日有老人家一齊食飯，當然要揀番間岩大家口味又座得舒服嘅餐廳食飯喇，餐廳係時代廣場附近，地點都好方便，餐廳環境寧靜，座位闊落寬敞，裝修有格調高雅，環境很好，仲聽講廚師係係六星酒店過黎添😯.叫左佢兩款招牌推介小菜，包括酸菜桂花魚同片皮鴨😃 酸菜魚主要係咸酸菜嘅味道，同琛圳食嘅味道完全不同，係比較家常菜，桂花魚肉厚滑漏而而且起骨很乾淨，可以放心大口食用送飯。 片皮鴨嘅烤味濃郁，可見其誠意製作，皮位置較少，食起上黎冇咁油膩。.另外佢地嘅包點都做得非常出色，小籠包，生煎包，牛肉包仲有肉鬆餅都各有特色，非常美味。