老趙越南餐廳(大頭蝦專門店) (Closed)

早前購買了團購Coupon，因此今晚去老趙食晚飯。之前去過佐敦的分店，覺得ok，因此今次試山林道分店。點了幾樣餸：牙車快沙律($65)炭燒大頭蝦 ($108)蒜茸包 ($30)蕃茄牛腩煲 ($75) 茶錢 ($20) (2位 x $10)沙律一般，對蕃茄牛腩煲有點失望，味道不太特出，可能咖哩煲會好味d。炭燒大頭蝦及蒜茸包都ok。食飯期間叫了waiter 斟水，問了3個人，等了10分鐘先有人斟。 最「興」是埋單時，發覺炭燒大頭蝦果味餸收我 $148，一問之下，竟然話d 蝦今晚因為大隻d，所以要收貴d，同其他大頭蝦一樣收 $148。 我們當然不滿，如果預先說明因為蝦大d，所以要收貴d，ok，但落單無講，價錢當然跟 menu 計，但依家分明老屈，屈我俾多 $40，等於原價嘅4成。我們不妥協，經過5分鐘後，他們才退回 $40，因他們已收了加一，所以要求退回總數 $44。最後waiter 差不多好像將錢「擲」給我們，十分沒禮貌。茶錢要$10位 + 10%，仲貴過酒樓，真掠水。下次寧願去芽x食越南嘢好過，食物好食d，又唔收茶錢，留番$20飲其他嘢仲好。提醒大家如果食炭燒大頭蝦記得要check單。