金沙角大牌檔 (Moved) New Location

一直都住係沙角村附近，所以都經常光顧沙角大排檔。平常晩飯多數食另一邊的小菜（可以打邊爐任食那間），不過當晩那邊太多人，所以就決定去金沙角。其實野食不過不失，炸乒乓波好彈牙，值得一試。叫左其他好standard的小菜，例如西檸雞，咕嚕肉等等就好普通。除左個樣似之外，材料同埋味道都唔得，以上兩個菜，都係食粉多過食肉。。。。。食飽埋單啦，一開始個人比張單我地話係$730，咁我地覺得個數差唔多（１３個人食飯）就比左８張１００蚊紙。之後個人返黎話要先計錯左數，計少左＄６０，無得找錢。第一，就算真係計少都有得找＄１０啦。第二，我就真係唔信佢地會計少數，好明顯就係因為我地比左＄８００，又見我地個樣好後生，唔會同佢地嘈，所以就老屈我地。果日有人生日，又係搞Farewell Party，所以都無同佢地嘈。我地成班朋友都覺得這間金沙角的經營手法好有問題，大家千萬不要去。我情願去另一邊要等位，都唔想再比人呃錢。