施心畢老撾餐廳

Open Now

Now Closed

老撾，地理上係俾越南，泰國，柬埔寨同緬甸包圍住，曾被越南入侵，亦曾為法國殖民地，因此食物都帶有越南風味。依間老撾餐廳由星級廚師Justin Chan主理，試吓係咪咁正先。餐牌上見到100%全米湯粉，非常好奇咩叫做100%全米湯粉，味道同一般米粉有咩分別呢？叫一個牛肉100%全米湯粉試吓先。賣相同越南湯粉好相似，都有芽菜同九層塔，飲一啖湯，好香濃。再試一試個米粉，用全米製成嘅米粉好滑，咬落幾煙韌，食到微微嘅米香，同一般米粉好唔同。配料除咗牛肉之外，仲有牛丸添，成個米粉好豐富，亦好令人回味呀！仲有白咖哩雞肉見求，見求即係飯，用白米，糯米同紫糯米煮成，好有咬口，再加埋少少椰香，我都幾鐘意。雞肉有香茅嘅香氣，唔會煮到太柴，都不錯。米紙卷用上米紙包住生菜同薄荷葉同米粉，仲有炸蝦，一啖咬落去，除咗清脆嘅生菜，仲有香滑嘅米粉，炸到脆卜卜嘅蝦，口感好豐富呀！