Video
Read full review
2024-06-16
207 views
嚟到深水埗其實都唔係太知道食乜嘢好，除咗車仔麵或者泰菜之外，今日見到呢間上海菜竟然要排隊！ 入到去嘅時候都發覺其實都幾多選擇，唔淨止正宗上海菜，仲有其他小菜嘅，不過既然係上海菜館咁梗係朝東上海菜啦。鮮肉小籠包五隻($48): 以前啲人教落，食小籠包要睇吓有幾多摺，同埋要用筷子夾起上邊，睇吓有冇湯汁流出。咬開少少餃子皮之後肉汁即刻流出嚟，完全食到肉汁嘅鮮甜，而且肉嘅份量適中，配上酸醋就更加惹味。例牌酸辣湯($58): 上菜嘅時候已經聞到一帶浸酸辣味，好開胃。入邊竟然有蝦，都幾驚喜。叫咗例牌酸辣湯，我哋兩個人食，都每人食到三碗，所以其實夾埋係有差唔多6碗! 抵食！而且自己雖然唔太食辣，但係佢嘅辣度都啱啱好係我接受到嘅程度，不過真係會越食越熱。鎮江餚肉($80): 即係啫喱狀嘅凍肉，食落去冇乜豬蘇味，有時食涼菜，都會驚有太大嘅味道，但係佢地處理得好好。回鍋肉($88):差唔多係食上海菜必叫嘅，都好考師傅嘅功駕。有椰菜配上回鍋肉仲有豆乾，有鑊氣香！高力豆沙四隻($52): 而家喺香港都好少見到有高力豆沙食，因為功夫真係要好多，但係比我喺度見到嘅咁梗係要食啦，本身仲想叫埋佢哋嘅豆沙窩餅，但係真係
入到去嘅時候都發覺其實都幾多選擇，唔淨止正宗上海菜，仲有其他小菜嘅，不過既然係上海菜館咁梗係朝東上海菜啦。
鮮肉小籠包五隻($48): 以前啲人教落，食小籠包要睇吓有幾多摺，同埋要用筷子夾起上邊，睇吓有冇湯汁流出。咬開少少餃子皮之後肉汁即刻流出嚟，完全食到肉汁嘅鮮甜，而且肉嘅份量適中，配上酸醋就更加惹味。
例牌酸辣湯($58): 上菜嘅時候已經聞到一帶浸酸辣味，好開胃。入邊竟然有蝦，都幾驚喜。叫咗例牌酸辣湯，我哋兩個人食，都每人食到三碗，所以其實夾埋係有差唔多6碗! 抵食！而且自己雖然唔太食辣，但係佢嘅辣度都啱啱好係我接受到嘅程度，不過真係會越食越熱。
鎮江餚肉($80): 即係啫喱狀嘅凍肉，食落去冇乜豬蘇味，有時食涼菜，都會驚有太大嘅味道，但係佢地處理得好好。
回鍋肉($88):差唔多係食上海菜必叫嘅，都好考師傅嘅功駕。有椰菜配上回鍋肉仲有豆乾，有鑊氣香！
高力豆沙四隻($52): 而家喺香港都好少見到有高力豆沙食，因為功夫真係要好多，但係比我喺度見到嘅咁梗係要食啦，本身仲想叫埋佢哋嘅豆沙窩餅，但係真係太飽啦。高力豆沙灑上糖霜，入邊嘅豆沙唔會太甜！呢個係必叫。
總結：而家老派嘅上海菜喺香港應該買少見少，而且做到每樣都咁平均嘅呢一間都算係咁，而且比較驚喜嘅就真係仲有高力豆沙，為左高力豆沙，我會再去試吓其他嘅餸菜，見到隔籬枱，其實都做得幾出色！
Post
