津津茶餐廳

Open Now

Now Closed

我諗係鰂魚涌附近或者北角返工嘅朋友，都會知道呢一間津津茶餐廳主要係食沙薑雞飯。因為每次經過都會聞到好香嘅味道，亦都會見到好多雞掛住喺門口。餐廳入面嘅環境，保留住六七十年代一種好古舊茶餐廳嘅感覺，非常之舊式 ，好似時光倒流二十年咁 。不過午膳時間就比較多人，需要搭枱，而且有唔少人都會嗌沙薑雞飯，或者珍肝飯等等嘅名物。同埋千祈要記得叫佢嘅老火湯， 金銀白菜豬肺湯，非常夠火喉，好好飲。鹽焗雞飯，飯身比較軟熟，可能因為淋咗醬汁嘅關係比較濕 ，雞肉就比較瘦，不過都有雞味，點埋沙薑醬汁撈飯食就剛剛好。